കാസര്കോട്; പാന് ഇന്ത്യന് സൂപ്പര് സ്റ്റാറുകളായ വിജയ് ദേവരക്കൊണ്ട-രശ്മിക മന്ദാന ജോഡികളുടെ
വിവാഹാഘോഷത്തില് താരമായി മലയാളിയും സംഗീത സംവിധായകനുമായ ഹിഷാം അബ്ദുല് വഹാബ്. മനോഹരമായതും, ആരെയും ആകര്ഷിക്കുന്നതുമായ വസ്ത്രം അണിഞ്ഞെത്തിയതാണ് ഹിഷാം അബ്ദുല് വഹാബ് താരമാക്കിയത്. കാസര്കോട്ടെ പ്രമുഖ മെന്സ് വസ്ത്ര സ്ഥാപനമായ ബെന്സര് കോസ്റ്റിയൂംസിന്റെ ഡിസൈനറായ ഷെഫീഖാണ് സെലിബ്രിറ്റി ലോകം ശ്രദ്ധിച്ച ഈ ട്രെന്ഡി വസ്ത്രം ഡിസൈന് ചെയ്തത്. മാര്ച്ച് 4 ന് ഹൈദരാബാദിലെ താജ് കൃഷ്ണയില് ആയിരുന്നു വിജയ് ദേവരക്കൊണ്ടയുടെയും രശ്മികയുടെയും വിവാഹ സത്കാരം നടന്നത്. അടുത്ത സുഹൃത്തുക്കളും ബന്ധുക്കളും മാത്രമാണ് വിവാഹ ചടങ്ങില് പങ്കെടുത്തത്. പരിപാടിയില് പൂര്ണ്ണമായും ക്ഷണക്കത്ത് ഉള്ളവര്ക്ക് മാത്രമായി പ്രവേശനം പരിമിതപ്പെടുത്തിയിരുന്നു. ക്ഷണക്കത്ത് ഉള്ളവര് ക്യു.ആര് കോഡ് കാണിച്ചാല് മാത്രം ആയിരുന്നു പ്രവേശനം നല്കിയത്. പരമ്പരാഗത ആചാരപ്രകാരം ഉള്ള വിവാഹം ആയിരുന്നു. ഇതിനു ശേഷം സിനിമാ ലോകത്തുള്ളവര്ക്കും രാഷ്ട്രീയ രംഗത്തുള്ളവര്ക്കും വേണ്ടി പ്രൗഢ ഗംഭീരമായ റിസപ്ഷനും താരങ്ങള് ഏര്പ്പെടുത്തിയിരുന്നു. ഇതിനിടയില് ആണ് മ്യൂസിക് ഡയറക്ടര് ഹിഷാം അബ്ദുല് വഹാബ് പങ്കുവച്ച ഫോട്ടോകള് സോഷ്യല് മീഡിയയില് വൈറല് ആയത്.. ഹിഷാമും ഭാര്യ ആയിഷത്ത് സഫയും വിജയ് ദേവരക്കൊണ്ടയുടേയും രശ്മിക മന്ദാനയുടെയും വിവാഹ റീസെപ്ഷനില് പങ്കെടുത്ത ദൃശ്യങ്ങള് ആണ് താരം പങ്കുവച്ചത്. ‘പ്രിയപ്പെട്ട വിജയ് ദേവരക്കൊണ്ടയ്ക്കും രശ്മിക മന്ദാനയ്ക്കും സന്തോഷകരവും അനുഗ്രഹീതവുമായ ദാമ്പത്യ ജീവിതം ആശംസിക്കുന്നു! നിങ്ങളെ രണ്ടുപേരെയും കേരളത്തില് വളരെ വേഗം സ്വീകരിക്കാന് ആഗ്രഹിക്കുന്നു’ എന്നാണ് ഹിഷാം ഇരുവര്ക്കും ഒപ്പമുള്ള ചിത്രം പങ്കുവച്ചുകൊണ്ട് സോഷ്യല് മീഡിയയില് കുറിച്ചത്.’ഈ ദൃശ്യങ്ങള് പ്രചരിച്ചതോടെ സോഷ്യല് മീഢിയ ലോകത്ത് ഹിഷാമിന്റെ വസ്ത്രവും ചര്ച്ചയാവുകയായിരുന്നു. തുടര്ന്നുള്ള അന്വേഷണത്തിലാണ് കാസര്കോട്ടെ ബെന്സര് കോസ്റ്റിയൂംസിന്റെ ഡിസൈനറായ ഷെഫീഖാണ് ഈ വസ്ത്രം ഡിസൈന് ചെയ്തതെന്ന് വ്യക്തമായത്.ഹിഷാമിന്റെ ഭാര്യ ആയിഷത്ത് സഫ കാസര്കോട് ഫോര്ട്ട് റോഡ് സ്വദേശിനിയാണ്..സഫ വഴിയാണ്, ഷെഫീഖിന് ഹിഷാമിന്റെ വസ്ത്രം ഡിസൈന് ചെയ്യുവാനുള്ള അവസരം ലഭിച്ചത്..മലയാളം, തെലുങ്ക് സിനിമകളില് സംഗീത സംവിധായകനാണ് ഹിഷാം. മലയാളത്തിലെ പല ഹിറ്റ് ഗാനങ്ങളും പോലെ തെലുങ്കിലെ പല ഹിറ്റ് ഗാനങ്ങളുടെയും സംഗീത സംവിധാനം നിര്വഹിച്ചതും ഹിഷാം തന്നെയാണ്. വിജയ് ദേവരക്കൊണ്ട നായകനായ ഖുഷി (2023) എന്ന ചിത്രത്തിന് സംഗീത സംവിധാനം നിര്വഹിച്ചത് ഹിഷാം ആയിരുന്നു. അന്ന് മുതല് തുടങ്ങിയ സൗഹൃദം ആണ് വിജയ്യും ഹിഷാമും തമ്മില്. പിന്നീട് ദി ഗേള്ഫ്രണ്ട് എന്ന രശ്മിക ചിത്രത്തിനും ഹിഷാം തന്നെയാണ് സംഗീതം നിര്വഹിച്ചത്. ഹിഷാമിന്റെ വസ്ത്രം ചര്ച്ചയായതോടെ, ഡിസൈനര് രംഗത്തെ ഷെഫീഖിന്റെ മികവിന് ഫാഷന് ലോകത്ത് വലിയ സ്വീകാര്യതയാണ് ലഭിക്കുന്നത്.
ഫാഷന് രംഗത്ത് കാസര്കോടിന് അഭിമാനിക്കുവാനുള്ള മുഹൂര്ത്തം കൂടിയാണിത്.
താരവിവാഹത്തില് വൈറലായി ഹിഷാം അബ്ദുല് വഹാബ് ഗെറ്റപ്പ്; വസ്ത്രം ഡിസൈന് ചെയ്തത് ബെന്സര് ഷെഫീഖ്
