കാസര്ഗോഡ്.. ടൗണില് രാത്രികാലങ്ങളില് ഓട്ടോറിക്ഷ ഓടിക്കുന്ന ചില ഡ്രൈവര്മാര് മറ്റു ഓട്ടോറിക്ഷ ഡ്രൈവര്മാര് സ്റ്റാന്ഡില് പാര്ക്ക് ചെയ്യുന്ന സമയത്ത് സദാചാര പോലീസ് ചമയുന്നു. ഇക്കഴിഞ്ഞ 25/2/26 ന് രാത്രി 10 മണി സമയത്ത് K S R T C കിംഗ് കോബ്ര ഓട്ടോ സ്റ്റാന്ഡില് സ്ഥിരമായി പാര്ക്ക് ചെയ്തിരുന്ന രണ്ട് ഓട്ടോ ഡ്രൈവര്മാരെ മറ്റു മൂന്ന് ഡ്രൈവര്മാര് വന്ന് ഇവിടെ പാര്ക്ക് ചെയ്യാന് പാടില്ലെന്നും ഇവിടെനിന്ന് വണ്ടി മാറ്റണമെന്നും അല്ലെങ്കില് വണ്ടി തകര്ക്കുമെന്നും പറഞ്ഞ് ഡ്രൈവര്മാരുടെ യൂണിഫോം വലിച്ചുകീറുകയും അസഭ്യം ആയിട്ടുള്ള വാക്കുകള് ഉപയോഗിക്കുകയും ചെയ്തു . ഇങ്ങനെയുള്ള ഡ്രൈവര്മാര്ക്ക് എതിരെ പോലീസ് ഡിപ്പാര്ട്ട്മെന്റ് ഭാഗത്ത് നിന്ന് ശക്തമായിട്ട് നടപടി എടുത്തില്ലെങ്കില് ഈ പ്രശ്നത്തില് യൂണിയന് ഇടപെട്ട് ശക്തമായിട്ടുള്ള സമരപരിപാടികളുമായി മുന്നോട്ടുപോകുമെന്ന് 9 /3/ 26 നു രാവിലെ 10 മണിക്ക് കാസര്ഗോഡ് ബിഎംഎസ് ഓഫീസില് ചേര്ന്ന ബിഎംഎസ് ടൗണ് കമ്മിറ്റിയുടെ യോഗത്തില് തീരുമാനിച്ചു. യോഗത്തില് എസ് കെ ഉമേഷ് അധ്യക്ഷത വഹിച്ചു. ഓട്ടോറിക്ഷ മസ്ദൂര് സംഘ ബിഎംഎസ് ജില്ലാ ഉപാധ്യക്ഷന്
A കേശവ, ബിഎംഎസ് ജില്ലാ ജോയിന്റ് സെക്രട്ടറി പി ദിനേശ് ബംബ്രാണ, BMS മേഖല സെക്രട്ടറി ബാബുമോന് ചെങ്കള, ഓട്ടോറിക്ഷ മസ്ദൂര് സംഘ് ജില്ലാ ട്രഷറര് വിശ്വനാഥ ഷെട്ടി, എന്നിവര് സംസാരിച്ചു, പ്രസാദ് വളപ്പോത്ത് സ്വാഗതവും,മോഹന്ദാസ് കൊറക്കോട് നന്ദിയും പറഞ്ഞു യോഗം അവസാനിപ്പിച്ചു.
രാത്രികാല ഓട്ടോ ഡ്രൈവര്മാരുടെ ഗുണ്ടായിസം അവസാനിപ്പിക്കുക.ഓട്ടോറിക്ഷ മസ്ദൂര് സംഘ് (B M S)
