പ്രസിദ്ദികരണത്തിന്നു
ദോഹ: ഹമദ് മെഡിക്കൽ കോർപ്പറേഷൻ വെൽബെയിങ് ഡിപ്പാർട്മെന്റ് സംഘടിപ്പിച്ച പബ്ലിക് ഹെൽത്ത് കെയർ സെക്ടർ ക്രിക്കറ്റ് ടൂർണമെന്റിൽ ഖ്യു ആർ ഐ സിസി ജേതാക്കളായി. ആവേശകരമായ ഫൈനലിൽ സ്പൈക്കർസ് സിസിയെ സൂപ്പർ ഓവറിൽ പരാജയപ്പെടുത്തിയാണ് ഖ്യു ആർ ഐ സിസി ചാമ്പ്യന്മാരായത്.
ഖത്തർ ഫൗണ്ടേഷൻ സ്റ്റേഡിയത്തിൽ നടന്ന ഫൈനൽ മത്സരം തുല്യ ശക്തികളായ ടീമുകൾ തമ്മിലുള്ള ഉഗ്ര പോരാട്ടമായിരുന്നു. ആദ്യം ബാറ്റ് ചെയ്ത ഖ്യു ആർ ഐ 10 ഓവറിൽ 89 റൺസ് നേടുകയായിരുന്നു. ചെറിയ സ്കോർ എളുപ്പം മറികടക്കാമെന്ന് കരുതിയ സ്പൈക്കർസിനെതിരെ ഖ്യു ആർ ഐ ബൗളർമാർ മികച്ച പ്രകടനം കാഴ്ചവെച്ചതോടെ മത്സരം സമനിലയിൽ അവസാനിച്ചു. തുടർന്നുള്ള സൂപ്പർ ഓവറിൽ സ്പൈക്കർസ് 8 റൺസിന് തളർവിടുകയും, ഖ്യു ആർ ഐ അവസാന ബോളിൽ വിജയിക്കുകയും ചെയ്തു.
ഖത്തറിലെ ഹമദ് ഹോസ്പിറ്റൽസ്, മിനിസ്റ്റ്രി ഓഫ് പബ്ലിക് ഹെൽത്ത്, പ്രൈമറി ഹെൽത്ത് സെന്റർ തുടങ്ങി 15 ടീമുകൾ 3 ഗ്രൂപ്പുകളിലായി മത്സരങ്ങളിൽ പങ്കെടുത്തു. ടൂർണമെന്റിലെ എല്ലാ മത്സരങ്ങളും ഖത്തർ ക്രിക്കറ്റ് അസോസിയേഷന്റെ നേത്രുത്വത്തിൽ, ലുസൈൽ, ഖത്തർ ഫൗണ്ടേഷൻ ഗ്രൗണ്ടുകളിൽ നടക്കുകയായിരുന്നു.
ഖ്യു ആർ ഐ സിസിയുടെ ഷാനിൽ പുളിക്കൽ ടൂർണമെന്റിന്റെ താരവും മികച്ച ബാറ്റ്സ്മാനും ആയി തിരഞ്ഞെടുക്കപ്പെട്ടപ്പോൾ, രാജേഷ് പിള്ള മികച്ച ബോളർക്കുള്ള പുരസ്കാരം നേടി.
