ഐ.എ.പി കാസര്കോട് ശാഖയുടെ നേതൃത്വത്തില് ശിശുരോഗ വിദഗ്ധര്ക്കായി ‘FUEL’ എന്ന പേരില് ശിശുരോഗ പോഷണത്തെയും വളര്ച്ചയെയും കുറിച്ച് ദേശീയതല ശില്പശാല സംഘടിപ്പിച്ചു.
2026 മാര്ച്ച് 29-ന് കാസര്കോട് സിറ്റി ടവര് ഹോട്ടലില് വെച്ച് നടന്ന പരിപാടിയില് ശിശുരോഗ വിദഗ്ധര്, ഫിസിഷ്യന്മാര്, ജനറല് പ്രാക്ടീഷണര്മാര് എന്നിവരും മംഗളൂരുവില് നിന്നുള്ള പീഡിയാട്രിക്സ് പോസ്റ്റ് ഗ്രാജുവേറ്റ് വിദ്യാര്ത്ഥികളും പങ്കെടുത്തു. ദീപം കൊളുത്തി പരിപാടി ഔദ്യോഗികമായി ഉദ്ഘാടനം ചെയ്തു. ഐ.എ.പി കാസര്കോട് പ്രസിഡന്റ് ഡോ. മഹിന് പി. അബ്ദുള്ള സ്വാഗത പ്രസംഗത്തില് ദൈനംദിന ചികിത്സയില് ശിശു പോഷണത്തിനും വളര്ച്ചാ നിരീക്ഷണത്തിനുമുള്ള പ്രാധാന്യം ഊന്നിപ്പറഞ്ഞു.മുതിര്ന്ന ശിശുരോഗ വിദഗ്ധന് ഡോ. നാരായണ നായ്ക്കിനെ ചടങ്ങില് ആദരിച്ചു. മുതിര്ന്ന ഡോക്ടര്മാരായ ഡോ. യതീശന് കെ.കെ, ഡോ. എസ്.വി.ആര് ശര്മ്മ, ഡോ. മുസ്തഫ, ഡോ. റാഫി അഹമ്മദ് എന്നിവര് സംബന്ധിച്ചു.
‘ഫ്യൂവല് എര്ലി ലൈഫ്’ പ്രോഗ്രാമിനെക്കുറിച്ചും ശിശു പോഷണത്തെക്കുറിച്ചും ഡോ. ജോണി സെബാസ്റ്റ്യന് സംസാരിച്ചു. ഡോ. നിത്യ ടി. വളര്ച്ചാ നിരീക്ഷണത്തെക്കുറിച്ചും ഗ്രോത്ത് ക്ലിനിക്കുകളെക്കുറിച്ചും സംസാരിച്ചു.
ഡോ. അമരേഷ് പാട്ടീല് പൂരകാഹാര
രീതികളെക്കുറിച്ചും ഡോ. നന്ദിനി മുന്ദ്കൂര് കുട്ടികളുടെ വളര്ച്ചാ ഉത്തേജനത്തെക്കുറിച്ചും ക്ലാസുകള് എടുത്തു. തുടര്ന്ന് ഡോ. നിത്യ, ഡോ. നന്ദിനി എന്നിവരുടെ നേതൃത്വത്തില് പ്രായോഗിക പരിശീലന സെഷനുകള് നടന്നു. ഐ.എ.പി കാസര്കോട് സെക്രട്ടറി ഡോ. ഉദയ് ശ്രീനിവാസ് നന്ദി രേഖപ്പെടുത്തിയതോടെ ശില്പശാല സമാപിച്ചു.
ഐ.എ.പി കാസര്കോട് ഡോക്ടര്മാര്ക്കായി FUEL എന്ന ദേശീയതല ശില്പശാല സംഘടിപ്പിച്ചു
