കോട്ടയം: സംസ്ഥാനത്ത് സ്വര്ണവില റെക്കോര്ഡ് ഉയരത്തില്. ചരിത്രത്തില് ആദ്യമായി പവന് 45,000 രൂപയിലെത്തി. ഇന്നലെ പവന് 44,240 രൂപയായിരുന്നു വില. ഇതായിരുന്നു ഇതുവരെയുള്ള ഏറ്റവും ഉയര്ന്ന വില. ഇന്ന് അതും മറികടന്ന് വില കുതിച്ചുയര്ന്നു. ഒറ്റ ദിവസം 95 രൂപ കൂടി ഗ്രാമിന് വില 5625 രൂപയിലെത്തി. ഇന്നലെ ഗ്രാമിന് 5,530 രൂപയായിരുന്നു.
രാജ്യാന്തര വിപണിയില് സ്വര്ണവില കുതിപ്പു നടത്തുന്നതിനാലാണ് സംസ്ഥാനത്തും വില ഉയരുന്നത്. രാജ്യാന്തര വിപണിയില് ട്രോയ് ഔണ്സിന് വില വീണ്ടും 2000 ഡോളര് പിന്നിട്ടു. അമേരിക്കന് വിപണിയില് വ്യാപാരം ആരംഭിച്ചപ്പോള് തന്നെ വില 35 ഡോളറിനു മുകളില് ഉയര്ന്ന് 2020 ഡോളറിലെത്തി.
രാജ്യാന്തര വില വര്ധനയുടെ ആനുപാതികമായ വില വര്ധന ആഭരണ വിപണിയിലും പ്രതിഫലിച്ചേക്കും. രാജ്യാന്തര വിപണിയിലെ സ്വര്ണവിലയില് നേരിയ തോതിലുള്ള തിരുത്തലുകള് വന്നപ്പോള് വിവിധ രാജ്യങ്ങളുടെ കേന്ദ്രബാങ്കുകള് സ്വര്ണം വാങ്ങിക്കൂട്ടിയതോടെ സ്വര്ണ ഡിമാന്ഡ് ഉയര്ന്നതാണ് വില ഉയരാന് കാരണം.
കേന്ദ്രബാങ്കുകളുടെയും വന്കിട നിക്ഷേപകരുടെയും വാങ്ങല് തുടര്ന്നാല് വില വരും ആഴ്ചകളില് വില 2084 ഡോളര് എന്ന നിര്ണായക നിലവാരം കടന്നേക്കും. രാജ്യങ്ങളുടെ കേന്ദ്രബാങ്കുകളില്നിന്നുള്ള സ്വര്ണ ഡിമാന്ഡ് ഉയരുന്നതായി വേള്ഡ് ഗോള്ഡ് കൗണ്സില് റിപ്പോര്ട്ട് പുറത്തുവിട്ടിരുന്നു. ചൈനയാണ് സ്വര്ണ കരുതല് ശേഖരം മുന്പന്തിയിലുള്ള രാജ്യം. നിലവില് 2000 ടണ്ണിനു മുകളിലാണ് ചൈനയുടെ സ്വര്ണ ശേഖരം.
more recommended stories
-
ഏറെ കോളിളക്കമുണ്ടാക്കിയ നെല്ലിയമ്പം ഇരട്ടക്കൊലക്കേസില് പ്രതി അര്ജുന് വധശിക്ഷ
കല്പറ്റ: ഏറെ കോളിളക്കമുണ്ടാക്കിയ നെല്ലിയമ്പം ഇരട്ടക്കൊലക്കേസില്.
-
കണ്ണൂരില് വീടിനകത്ത് അമ്മയെയും മകളെയും മരിച്ച നിലയില് കണ്ടെത്തി
മൃതദേഹത്തിന് ദിവസങ്ങള് പഴക്കമുണ്ടെന്നാണ് പ്രഥമിക നിഗമനം..
-
തൃശൂരില് രണ്ട് ബാങ്ക് സെക്യൂരിറ്റി ജീവനക്കാര് മരിച്ച നിലയില്
രാവിലെ ബാങ്ക് തുറക്കുന്നതിന് മുമ്പ് വൃത്തിയാക്കാനെത്തുന്ന.
-
ആസ്ക് ആലംപാടി ജി.സി.സി കഴിഞ്ഞ വര്ഷം എട്ടര ലക്ഷം രൂപയുടെ ജീവകാരുണ്യ പ്രവര്ത്തനം നടത്തി ; ആസ്ക് ജി.സി.സിക്ക് പുതിയ ഭാരവാഹികള്
സൗദി : ആലംപാടി ആര്ട്സ് ആന്ഡ്.