തിരുവനന്തപുരം: ലോക്സഭ തെരഞ്ഞെടുപ്പിനായി സംസ്ഥാനത്ത് സ്ഥാനാര്ത്ഥികളുടെ നാമനിര്ദേശ പത്രിക സമര്പ്പണം ആരംഭിച്ചു. കൊല്ലത്ത് എല്ഡിഎഫ് സ്ഥാനാര്ത്ഥി എം മുകേഷും കാസര്കോട് എന്ഡിഎ സ്ഥാനാര്ഥി എം എല് അശ്വിനിയും പത്രിക നല്കി. രാവിലെ 11നാണ് വരണാധികാരിക്ക് മുമ്പാകെ എത്തി മുകേഷ് പത്രിക കൈമാറിയത്. 10.30 ന് ഹൈസ്കൂള് ജംഗ്ഷനിലുള്ള സിഐടിയു ഓഫീസില് നിന്ന് മുന്നണി നേതാക്കള്ക്കും പ്രവര്ത്തകര്ക്കുമൊപ്പമാണ് മുകേഷ് നാമനിര്ദ്ദേശപത്രിക സമര്പ്പിക്കാന് പുറപ്പെട്ടത്. മല്സ്യത്തൊഴിലാളികളാണ് കെട്ടിവയ്ക്കാനുള്ള തുക സ്ഥാനാര്ത്ഥിക്ക് കൈമാറിയത്.
കേരളത്തില് ലോക്സഭാ തിരഞ്ഞെടുപ്പിനുള്ള നാമനിര്ദ്ദേശ പത്രികാ സമര്പ്പണത്തിനുള്ള തയ്യാറെടുപ്പുകള് പൂര്ത്തിയായെന്ന് തെരഞ്ഞെടുപ്പ് ഓഫീസര് സഞ്ജയ് കൗള് ഇന്നലെ അറിയിച്ചിരുന്നു. സംസ്ഥാനത്ത് 20 ലോക്സഭാ മണ്ഡലങ്ങളിലേക്കും ബന്ധപ്പെട്ട റിട്ടേണിംഗ് ഓഫീസര്മാര്ക്കു മുമ്പാകെയാണ് പത്രിക സമര്പ്പിക്കേണ്ടത്. രാവിലെ 11 മുതല് വൈകിട്ട് മൂന്നു വരെയാണ് പത്രിക സ്വീകരിക്കുന്ന സമയം. ഏപ്രില് നാലിനാണ് അവസാന തീയതി. സൂക്ഷ്മ പരിശോധന ഏപ്രില് അഞ്ചിന് നടക്കും. നാമനിര്ദേശ പത്രിക പിന്വലിക്കാനുള്ള അവസാന തീയതി ഏപ്രില് എട്ടാണ്.
അതേസമയം,കേരളം ഉള്പ്പെടെ രണ്ടാംഘട്ട തെരഞ്ഞെടുപ്പ് നടക്കുന്ന സംസ്ഥാനങ്ങളിലേക്കുള്ള തെരഞ്ഞെടുപ്പ് വിജ്ഞാപനം ഇന്ന് പുറത്തിറങ്ങും. ഏപ്രില് നാല് വരെ സ്ഥാനാര്ത്ഥികള്ക്ക് നാമ നിര്ദ്ദേശ പത്രിക സമര്പ്പിക്കാം. കേരളത്തിലെ 20 മണ്ഡലങ്ങള് ഉള്പ്പെടെ 98 മണ്ഡലങ്ങളില് ഏപ്രില് 26 ന് ആണ് തെരഞ്ഞെടുപ്പ് നടക്കുന്നത്. ആദ്യഘട്ട ലോക്സഭാ തെരഞ്ഞെടുപ്പിനുള്ള നാമ നിര്ദ്ദേശ പത്രികകളുടെ സൂക്ഷ്മ പരിശോധന ഇന്ന് തുടങ്ങും. ഈ മാസം 30 ആണ് നാമനിര്ദേശ പത്രിക പിന്വലിക്കാനുള്ള അവസാന തീയതി. 102 മണ്ഡലങ്ങളിലേക്കാണ് ആദ്യഘട്ടത്തില് തെരഞ്ഞെടുപ്പ് നടക്കുന്നത്. ഉത്സവാഘോഷം കണക്കിലെടുത്ത് ബീഹാറില് ഇന്നും നാമനിര്ദ്ദേശപത്രിക സമര്പ്പിക്കാനാകും.
more recommended stories
-
പോളിങ് നീണ്ടത് വടകരയില് മാത്രം, ബീപ് ശബ്ദം കേള്ക്കാന് വൈകിയെന്ന പരാതി കിട്ടിയിട്ടില്ല: സഞ്ജയ് കൗള്
തിരുവനന്തപുരം : ലോക്സഭാ തെരഞ്ഞെടുപ്പിനുളള പോളിങ് വൈകിയെന്ന.
-
സ്വര്ണവില വീണ്ടും വര്ധിച്ചു
തിരുവനന്തപുരം: സംസ്ഥാനത്ത് ഇന്നും സ്വര്ണവില ഉയര്ന്നു..
-
മസ്കത്തില് എട്ട് പ്രവാസികള് കടലില് വീണു ഒരാള്ക്ക് ജീവന് നഷ്ടമായി ഏഴ് പേരുടെ നില ഗുരുതരം
ഇവരെ കുറിച്ച് കൂടുതല് വിവരങ്ങള് അധികൃതര്.
-
ജയരാജനെ ന്യായീകരിച്ച് വിഎസ് സുനില്കുമാര്; ‘കെ സുരേന്ദ്രന് വീട്ടില് വന്നിട്ടുണ്ട്, ഞങ്ങള് സുഹൃത്തുക്കളാണ്’
തൃശൂര്: എല്ഡിഎഫ് കണ്വീനര് ഇപി ജയരാജനും.