തെരഞ്ഞെടുപ്പ് ചൂടിലും ആളിക്കത്തി സമരപന്തല്
മലയാറ്റുകര കരിങ്കല് ക്വാറിക്കെതിരെ സമരം ശക്തമാവുന്നു
തായന്നൂര്: കോടോം-ബേളൂര് പഞ്ചായത്തിലെ എണ്ണപ്പാറയില് ജനങ്ങള് തിങ്ങിപ്പാര്ക്കുന്ന സ്ഥലത്ത് പ്രവര്ത്തിക്കുന്ന കരിങ്കല് ക്വാറി നിര്ത്തിവെക്കണമെന്നാവശ്യപ്പെട്ട് ജനകീയ സമിതിയുടെ നേതൃത്വത്തില് നടന്നു വരുന്ന അനിശ്ചിത കാല സത്യാഗ്രഹ സമരപന്തല് ഇലക്ഷന്നാളിലും സജീവം .
ഓരോ ദിനം കഴിയുന്തോറും നാട്ടുകാരുടെ പിന്തുണ യേറിവരുകയാണ്.
മൂന്നാം ദിവസം സത്യാഗ്രഹമനുഷ്ഠിച്ച ജനകീയ സമിതി കണ്വീനര് രമേശന് മലയാറ്റുകരയെ പരിസ്ഥിതി പ്രവര്ത്തകനും ചിത്രകാരനുമായ കെ ആര് സി തായന്നൂര് ഹാരമണിയിച്ചു. പഞ്ചായത്ത് അംഗം സജിതാ ശ്രീകുമാര്, U തമ്പാന് നായര്, സതീന്ദ്രന് ചീരോല്, എന്.ബിന്ദു, A V പാര്വ്വതി , ബോബന് ജോസഫ് ചൂരപ്പടവ്, രാധ രാജന്, കരുണന് മലയാറ്റുകര, അജേഷ് കെ വി , വി.കെ രാജന്, ഷിന്സ് ജോര്ജ്ജ്,മന്യ മാധവന്, രാജേഷ് തുമ്പക്കുന്ന് എം നാരായണി തുടങ്ങിയവര് സംസാരിച്ചു.
ഏ.വി ചന്ദ്രന് സ്വാഗതവും ബിജി വര്ഗ്ഗീസ് നന്ദിയും പറഞ്ഞു
നാലാം ദിവസമായ വെളളിയാഴ്ച പഞ്ചായത്ത് അംഗവും ജനകീയ സമിതി രക്ഷാധികാരിയുമായ സജിതാ ശ്രീകുമാര് സത്യാഗ്രഹം അനുഷ്ഠിക്കും
