കാസര്ഗോഡ് ജില്ലാ കമ്മിറ്റിയുടെ നേതൃത്വത്തില് കാഞ്ഞങ്ങാട് ബിഗ് മാളില് നടന്ന ചടങ്ങില് പ്രമുഖര് സംബന്ധിച്ചു.
കാഞ്ഞങ്ങാട്:
കേബിള് ടിവി ഓപ്പറേറ്റേഴ്സ് അസോസിയേഷന് കാസര്ഗോഡ് ജില്ലാ കമ്മിറ്റിയുടെ ആഭിമുഖ്യത്തിലാണ് പുതുതായി തെരഞ്ഞെടുക്കപ്പെട്ട സംസ്ഥാന ഭാരവാഹികള്ക്ക് സ്വീകരണവും അനുമോദനവും സംഘടിപ്പിച്ചത്. കാഞ്ഞങ്ങാട് ബിഗ് മാളില് നടന്ന ചടങ്ങില് സി.ഒ.എ ജില്ലാ പ്രസിഡന്റ് വി.വി. മനോജ് കുമാര് അധ്യക്ഷത വഹിച്ചു.
തുടര്ന്ന് നടന്ന ആദരിക്കല് ചടങ്ങില്, സി.ഒ.എ സംസ്ഥാന പ്രസിഡന്റ് പ്രവീണ് മോഹനനെ ജില്ലാ പ്രസിഡന്റ് വി.വി. മനോജ് കുമാര് പൊന്നാട അണിയിച്ചു. സംസ്ഥാന ജനറല് സെക്രട്ടറി പി.ബി. സുരേഷിനെ ജില്ലാ സെക്രട്ടറി ഹരീഷ് പി. നായരും, സംസ്ഥാന വൈസ് പ്രസിഡന്റ് എം. രാജ്മോഹനെ ജില്ലാ ട്രഷറര് വിനോദ് കുമാര് പി.യും ആദരിച്ചു.
സംസ്ഥാന എക്സിക്യൂട്ടീവ് അംഗം ഷുക്കൂര് കോളിക്കരയെ സംസ്ഥാന പ്രസിഡന്റ് പ്രവീണ് മോഹനനും, സംസ്ഥാന കമ്മിറ്റി അംഗം എം. ലോഹിതാക്ഷനെ സംസ്ഥാന സെക്രട്ടറി പി.ബി. സുരേഷും പൊന്നാട അണിയിച്ച് അനുമോദിച്ചു. സ്വീകരണം ഏറ്റുവാങ്ങിയ ഭാരവാഹികള് തങ്ങളുടെ മറുപടി പ്രസംഗത്തില് സംഘടനയുടെ വരാനിരിക്കുന്ന പ്രവര്ത്തനങ്ങളെയും ലക്ഷ്യങ്ങളെയും കുറിച്ച് സംസാരിച്ചു.
സി.ഒ.എ ജില്ലാ സെക്രട്ടറി ഹരീഷ് പി. നായര് ചടങ്ങിന് സ്വാഗതവും, ജില്ലാ ട്രഷറര് വിനോദ് കുമാര് പി. നന്ദിയും രേഖപ്പെടുത്തി. ജില്ലയിലെ വിവിധ മേഖലകളില് നിന്നുള്ള നിരവധി കേബിള് ഓപ്പറേറ്റര്മാര് ചടങ്ങില് പങ്കെടുത്തു.
