രാജ്യത്ത് ഇന്ധന വില വര്‍ധിപ്പിച്ചു: പെട്രോള്‍, ഡീസല്‍ വില മൂന്നു രൂപ കൂട്ടി

രാജ്യത്ത് പെട്രോള്‍, ഡീസല്‍ വില കൂട്ടി. ലിറ്ററിന് മൂന്നു രൂപയാണ് വര്‍ധിപ്പിച്ചത്. ഡല്‍ഹിയില്‍ പെട്രോള്‍ വില 100 രൂപയിലേക്ക് എത്തി. കഴിഞ്ഞ കുറച്ച് ദിവസമായി രാജ്യത്ത് ഇന്ധന വില വര്‍ധിപ്പിക്കുമെന്ന അഭ്യൂഹങ്ങള്‍ സജീവമായിരുന്നു. ഇതിനിടെയാണ് ഇന്ധനവില വര്‍ധനവുണ്ടായിരിക്കുന്നത്. പശ്ചിമേഷ്യന്‍ സംഘര്‍ഷത്തിന്റെ പശ്ചാത്തലത്തിലാണ് വില വര്‍ധനവുണ്ടായിരിക്കുന്നത്.

തിരുവനന്തപുരത്ത് നിലവില്‍ 107 രൂപയും കൊച്ചിയില്‍ 105 രൂപയുമാണ്. തിരുവനന്തപുരത്ത് പെട്രോള്‍ വില 110.76 രൂപയിലെത്തി. ഡീസലിന് 99.64 രൂപയിലും എത്തി. നേരത്തെ 96.48 രൂപയായിരുന്നു. നാല് വര്‍ഷത്തിനിടെ ആദ്യമായാണ് രാജ്യത്ത് ഇന്ധനവില വര്‍ധിപ്പിച്ചിരിക്കുന്നത്. ആര്‍ബിഐ ?ഗവര്‍ണറുടെ മുന്നറിയിപ്പിന് പിന്നാലെ കൊവിഡ് കാലത്തെ നിയന്ത്രണങ്ങള്‍ക്ക് സമാനാമായി സ്വയം നിയന്ത്രണങ്ങളിലേക്ക് പോകണമെന്ന് പ്രധാനമന്ത്രി സൂചിപ്പിച്ചിരുന്നു. അകമ്പടി വാഹനങ്ങളുടെ എണ്ണം പ്രധാനമന്ത്രിയുട ഉള്‍പ്പെടെ കുറച്ചിരുന്നു.

പെട്രോള്‍ വില :

ഡല്‍ഹി 97.77 (+3.00)

കൊല്‍ക്കത്ത 108.74 (+3.29)

മുംബൈ 106.68 (+3.14)

ചെന്നൈ 103.67 (+2.83)

ഡീസല്‍ വില :

ഡല്‍ഹി 90.67 (+3.00)

കൊല്‍ക്കത്ത 95.13 (+3.11)

മുംബൈ 93.14 (+3.11)

ചെന്നൈ 95.25 (+2.86)