അടുത്ത 3 മണിക്കൂറില് ആലപ്പുഴ, കോട്ടയം, എറണാകുളം ജില്ലകളില് ഇടിമിന്നലോട് കൂടിയ ശക്തമായ മഴയ്ക്ക് സാധ്യത
തിരുവനന്തപുരം: സംസ്ഥാനത്ത് കാലവര്ഷം ഇന്ന് എത്തുമെന്ന് കാലാവസ്ഥ വകുപ്പ് അറിയിച്ചു. തെക്കു – പടിഞ്ഞാറന് കാലവര്ഷം ഇന്ന് എത്തിച്ചേരാന് സാധ്യത. അതോടൊപ്പം തെക്കുപടിഞ്ഞാറന്, തെക്കുകിഴക്കന് അറബിക്കടലിന്റെ കൂടുതല് ഭാഗങ്ങള് ലക്ഷദ്വീപ്
തമിഴ്നാട് എന്നിവടങ്ങളിലെ ചില പ്രദേശങ്ങള്.ബംഗാള് ഉള്ക്കടലിന്റെ വിവിധ ഭാഗങ്ങള് കാലവര്ഷം വ്യാപിക്കാന് സാധ്യത.
തെക്കന് കേരള തീരത്തിന് സമീപം തെക്കുകിഴക്കന് അറബിക്കടലിനു മുകളില് നിലനിന്നിരുന്ന ചക്രവാതച്ചുഴി നിലവില് മധ്യ – കിഴക്കന് അറബിക്കടലിനും അതിനോട് ചേര്ന്നുള്ള കര്ണാടക തീരത്തിനും മുകളിലായി സ്ഥിതിചെയ്യുന്നു. വടക്കന് ആന്ഡമാന് കടലിനും അതിന്റെ സമീപപ്രദേശങ്ങള്ക്കും മുകളിലായി ചക്രവാതച്ചുഴി സ്ഥിതിചെയ്യുന്നു. ജൂണ് 3 മുതല് 7 വരെ തീയതികളില് കേരളത്തിലും മാഹിയിലും ഒറ്റപ്പെട്ട ശക്തമായ മഴയ്ക്ക് സാധ്യത. ജൂണ് 3 മുതല് 7 വരെ തീയതികളില് ഇടിമിന്നലോടും ശക്തമായ കാറ്റോടും കൂടി വ്യാപകമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്.
