പാനല്‍ ചര്‍ച്ചയും സംവാദ പരിപാടിയും സംഘടിപ്പിക്കുന്നു.

ലോക ഭക്ഷ്യസുരക്ഷാ ദിനം 2026-ന്റെ ഭാഗമായി ‘From Burden to Solution – Safe Food Everywhere’ എന്ന പ്രമേയത്തെ ആസ്പദമാക്കി ഭക്ഷ്യ സുരക്ഷ വകുപ്പ് കാസറഗോഡ് ജില്ല 2026 ജൂണ്‍ 12 , രാവിലെ 10 മണിക്ക് ജില്ലാ പ്ലാനിംഗ് ഓഫീസ് ഹാളില്‍ പാനല്‍ ചര്‍ച്ചയും സംവാദ പരിപാടിയും സംഘടിപ്പിക്കുന്നു.
ജില്ലാ മെഡിക്കല്‍ ഓഫീസര്‍, ഭക്ഷ്യസുരക്ഷാ വിദഗ്ധര്‍, കേരള ഹോട്ടല്‍ ആന്‍ഡ് റെസ്റ്റോറന്റ് അസോസിയേഷന്‍ (KHRA) പ്രതിനിധികള്‍ എന്നിവര്‍ പങ്കെടുക്കുന്ന പാനല്‍ ചര്‍ച്ചയില്‍ ഭക്ഷ്യസുരക്ഷയുമായി ബന്ധപ്പെട്ട വിവിധ വിഷയങ്ങള്‍ ചര്‍ച്ച ചെയ്യും. കൂടാതെ ഭക്ഷ്യ വ്യാപാരികള്‍ (FBOs), കോളേജ്-സ്‌കൂള്‍ വിദ്യാര്‍ത്ഥികള്‍, അനുബന്ധ മേഖലകളിലെ പ്രവര്‍ത്തകര്‍, പൊതുജനങ്ങള്‍ തുടങ്ങിയ വിവിധ വിഭാഗങ്ങളുടെ പങ്കാളിത്തത്തോടെ സംവാദവും സംഘടിപ്പിക്കും.
ഇതോടനുബന്ധിച്ച് RUCO (Repurpose Used Cooking Oil) സെമിനാറും അതേ ദിവസം നടക്കുന്നതാണ്. എല്ലാവരെയും പരിപാടിയിലേക്ക് ഹാര്‍ദ്ദവമായി സ്വാഗതം ചെയ്യുന്നു