തുരുത്തി: എട്ട് പതിറ്റാണ്ടിലേറെക്കാലമായി വിജ്ഞാനത്തിന്റെ പ്രകാശം പകര്ന്നു നല്കി സമൂഹത്തിന് അനേകം പ്രതിഭകളെ സമ്മാനിച്ച തുരുത്തി എം.എം.എ. യു.പി. സ്കൂള്, തന്റെ 85-ാം വാര്ഷിക നിറവിന്റെ സുവര്ണസമാനമായ മുഹൂര്ത്തത്തില് പൂര്വ്വ വിദ്യാര്ത്ഥി സംഘടനയായ (OSA)യുടെ പുതിയ ഭാരവാഹികളെ തിരഞ്ഞെടുത്തു. കാലത്തിന്റെ മാറ്റങ്ങള്ക്കൊപ്പം മുന്നേറിയ ഈ വിദ്യാഭ്യാസ സ്ഥാപനത്തിന്റെ സമ്പന്നമായ പാരമ്പര്യത്തിന് കൂടുതല് കരുത്തേകുന്ന നേതൃത്വമാണ് 2026-27 വര്ഷത്തേക്കായി നിലവില് വന്നിരിക്കുന്നത്.
സ്കൂള് അങ്കണത്തില് നടന്ന ജനറല് ബോഡി യോഗം ആത്മീയവും സൗഹൃദപൂര്ണവുമായ അന്തരീക്ഷത്തില് അരങ്ങേറി. മുഹമ്മദ് കുഞ്ഞ് കെ.കെ.പി. പ്രാര്ത്ഥന നിര്വഹിച്ച ചടങ്ങില് സ്കൂള് മാനേജര് അഷ്റഫ് ടി.കെ. സ്വാഗതം ആശംസിച്ചു. മാനേജിംഗ് കമ്മിറ്റി ഭാരവാഹി അബ്ദുറഹ്മാന് ഹാജി അധ്യക്ഷത വഹിച്ചു. മാനേജിംഗ് കമ്മിറ്റി പ്രതിനിധി ടി.പി. ഷാഫി ഉദ്ഘാടനം നിര്വഹിച്ചു.
തുടര്ന്ന് നടന്ന തിരഞ്ഞെടുപ്പില് അബൂബക്കര് എ.എ. പ്രസിഡന്റായും, അബൂബക്കര് ടി.എച്ച്. ജനറല് സെക്രട്ടറിയായും, ഹനീഫ് തുരുത്തി ട്രഷററായും തിരഞ്ഞെടുക്കപ്പെട്ടു.
മറ്റ് ഭാരവാഹികള്
വൈസ് പ്രസിഡന്റുമാര്:
?? സുലൈമാന് ഗോള്ഡന്
?? ഷെരീഫ് ടി.എം.
?? സുബൈര് ടൈലര്
?? ഉനൈസ് സ്റ്റാര്നെറ്റ്
അസിസ്റ്റന്റ് സെക്രട്ടറിമാര്:
?? ഷബീര് ഐലന്റ്
?? നംഷീദ് ടി.എം.
?? ഹാരിസ് അയമ്പാറ
?? ലത്തീഫ് ഓട്ടോ
ചടങ്ങില് ടി.എ. അബ്ദുള്ള കുഞ്ഞി ഹാജി, അഷ്റഫ് ഒതന്നപുരം, ഹാരിസ് പീടിക, എ.എ. അബൂബക്കര് എന്നിവര് ആശംസകള് അര്പ്പിച്ചു. ഷെരീഫ് എം.എസ്., ശംസുദ്ദീന് ബി.എസ്.എം., മുന് കൗണ്സിലര് സൈനുദ്ദീന്, ഹാരിസ് ടി.എച്ച്., സലീം ടി.യു., അന്വര് ടി.പി. എന്നിവരടക്കം നിരവധി പ്രമുഖര് ചടങ്ങില് പങ്കെടുത്തു.
നന്ദി പ്രകാശനത്തിലൂടെ പുതിയ ട്രഷറര് ഹനീഫ് തുരുത്തി ചടങ്ങിന് സമാപനം കുറിച്ചു.
1941-ല് തെളിഞ്ഞ ഈ വിജ്ഞാനദീപം 85 വര്ഷങ്ങള് പിന്നിടുമ്പോള്, ലോകത്തിന്റെ വിവിധ കോണുകളിലായി ജീവിക്കുന്ന പൂര്വ്വ വിദ്യാര്ത്ഥികളെ ഒരു കുടക്കീഴില് അണിനിരത്തി വിദ്യാലയത്തിന്റെ ഭൗതികവും അക്കാദമികവുമായ വളര്ച്ചയ്ക്കായി ശക്തമായ പ്രവര്ത്തനങ്ങള്ക്ക് തുടക്കമിടുമെന്ന് പുതിയ ഒ.എസ്.എ. നേതൃത്വം അറിയിച്ചു.
