ഗാര്ഹിക സിലിണ്ടറിലും മാറ്റം, പുതുക്കിയ വില ഉടന് പ്രഖ്യാപിക്കും
ര് വിതരണത്തിന് ഏര്പ്പെടുത്തിയിരുന്ന നിയന്ത്രണം നീക്കുന്നതായി കേന്ദ്രം ഇന്നലെ അറിയിച്ചിരുന്നു. ഇതിന് പിന്നാലെയാണ് ഹോട്ടല് മേഖലകള്ക്കുള്പ്പടെ കൂടുതല് ആശ്വാസമായി പുതിയ വിവരം പുറത്തുവരുന്നത്.
ദില്ലി: രാജ്യത്ത് വാണിജ്യ സിലിണ്ടര് വില കുറയും. കേന്ദ്ര പെട്രോളിയം മന്ത്രാലയം എണ്ണക്കമ്പനികളുമായി ചര്ച്ച നടത്തി. ഹോര്മൂസ് കടലിടുക്കിലെ പ്രതിസന്ധിക്ക് അയവ് വന്ന സാഹചര്യത്തിലാണ് കേന്ദ്ര സര്ക്കാരിന്റെ നടപടി. ഗാര്ഹിക സിലിണ്ടര് വിലയിലും മാറ്റമുണ്ടാകും. പുതുക്കിയ വില ഉടന് പ്രഖ്യാപിക്കുമെന്നാണ് വിവരം. കേന്ദ്ര പെട്രോളിയം മന്ത്രാലയം എണ്ണക്കമ്പനികളുമായി ചര്ച്ച നടത്തി ഇക്കാര്യത്തില് അന്തിമ തീരുമാനം കൊകൊള്ളും. എണ്ണ ഇറക്കുമതി സാധാരണ നിലയിലെത്തിയെന്നാണ് കേന്ദ്ര പെട്രോളിയം മന്ത്രാലയത്തിന്റെ വിലയിരുത്തല്.
വാണിജ്യ സിലിണ്ടര് വിതരണത്തിന് ഏര്പ്പെടുത്തിയിരുന്ന നിയന്ത്രണം നീക്കുന്നതായി കേന്ദ്രം ഇന്നലെ അറിയിച്ചിരുന്നു. ഇതിന് പിന്നാലെയാണ് ഹോട്ടല് മേഖലകള്ക്കുള്പ്പടെ കൂടുതല് ആശ്വാസമായി പുതിയ വിവരം പുറത്തുവരുന്നത്. നിയന്ത്രണം നീക്കുന്നതുമായി ബന്ധപ്പെട്ട് കേന്ദ്രം സംസ്ഥാനങ്ങള്ക്ക് കത്ത് നല്കിയിട്ടുണ്ട്. യുദ്ധത്തിനു മുന്പുള്ള സ്ഥിതി പുനസ്ഥാപിക്കാനും നിര്ദ്ദേശം നല്കിയിട്ടുണ്ടെന്ന് കേന്ദ്രം അറിയിച്ചു. പിഎന്ജി കണക്ഷന് എടുത്തവര് അത് തുടരണമെന്നും കേന്ദ്രം അറിയിച്ചു. പശ്ചിമേഷ്യന് സംഘര്ഷങ്ങളെ തുടര്ന്ന് ഉണ്ടായ പ്രതിസന്ധിയുണ്ടായതോടെയാണ് വാണിജ്യ സിലിണ്ടറുകളുടെ വിതരണത്തില് കേന്ദ്രസര്ക്കാര് കടുത്ത നിയന്ത്രണങ്ങള് ഏര്പ്പെടുത്തിയിരുന്നത്.
