?ദുബായ് :നാട്ടിലും മറുനാട്ടിലുമായി കഴിഞ്ഞ രണ്ടര പതിറ്റാണ്ടിലേറെയായി സാമൂഹിക, സാംസ്കാരിക, വൈജ്ഞാനിക, കലാകായിക രംഗങ്ങളില് സജീവമായി പ്രവര്ത്തിച്ചുകൊണ്ടിരിക്കുന്ന പ്രവാസി സംഘടനയായ ദുബായ് മലബാര് കലാസാംസ്കാരിക വേദിയുടെ ഇരുപത്തിയേഴാം വാര്ഷികാഘോഷങ്ങള് 2026 സെപ്റ്റംബര് അവസാനവാരം തിരുവനന്തപുരത്ത് വച്ച് പ്രൗഢഗംഭീരമായി നടക്കും.
?മുന്വര്ഷങ്ങളില് യു.എ.ഇ ദേശീയ ദിനാഘോഷങ്ങളോടനുബന്ധിച്ചും മറ്റും ദുബായില് വച്ച് സംഘടിപ്പിച്ച പ്രൗഢഗംഭീരമായ വാര്ഷികാഘോഷങ്ങളുടെ തുടര്ച്ചയെന്നോണമാണ് ഇത്തവണ കേരളത്തിന്റെ തലസ്ഥാന നഗരിയില് വിപുലമായ പരിപാടികളോടെ 27-ാം വാര്ഷികം സംഘടിപ്പിക്കുന്നത്.
വാര്ഷികാഘോഷ ചടങ്ങിനോടനുബന്ധിച്ച് വിവിധ മേഖലകളില് മുദ്രപതിപ്പിച്ച പ്രമുഖര്ക്കുള്ള പുരസ്കാരങ്ങളും സമര്പ്പിക്കും.
?കാസര്ഗോഡ് ജില്ലക്കാരനായ കേരളത്തിലെ പ്രമുഖ മാധ്യമപ്രവര്ത്തകന് കെ. എം. അഹ്മദ് മാഷിന്റെ നാമധേയത്തില് നാട്ടിലും വിദേശത്തുമുള്ള മികച്ച മാധ്യമപ്രവര്ത്തകര്ക്കായി ഏര്പ്പെടുത്തിയ ‘മീഡിയ അവാര്ഡ്’, തുളുനാടിന്റെ ഇതിഹാസനായകനും മുന്മന്ത്രിയുമായ ചെര്ക്കളം അബ്ദുല്ല സാഹിബിന്റെ നാമധേയത്തിലുള്ള ‘ബിസിനസ് എക്സലന്സി അവാര്ഡ്’ എന്നിവ ചടങ്ങില് പ്രധാനമായും സമ്മാനിക്കും.
കൂടാതെ മികച്ച സാമൂഹിക പ്രവര്ത്തകര്ക്കുള്ള അവാര്ഡ്, സോഷ്യല് മീഡിയ അവാര്ഡ്, മികച്ച പൊതുപ്രവര്ത്തകര്ക്കുള്ള അവാര്ഡ്, എന്നിവയും ഈ പ്രൗഢഗംഭീരമായ ചടങ്ങില് വച്ച് വിതരണം ചെയ്യുന്നതാണെന്ന് ഭാരവാഹികള് അറിയിച്ചു.
?കഴിഞ്ഞ കാല്നൂറ്റാണ്ടുകാലമായി പ്രവാസലോകത്തും നാട്ടിലും കാരുണ്യ-സാംസ്കാരിക പ്രവര്ത്തനങ്ങളില് മാതൃകയായ ദുബായ് മലബാര് കലാസാംസ്കാരിക വേദിയുടെ ഈ ഇരുപത്തിയേഴാം വാര്ഷികാഘോഷ ചടങ്ങില് മന്ത്രിമാര് എം എല് മാര് ത്രിതല പഞ്ചായത്ത് ജനപ്രിതീ നിധികള് രാഷ്ട്രീയ, സാമൂഹിക, സാംസ്കാരിക,കലാ കായിക മാധ്യമ രംഗങ്ങളിലെ പ്രമുഖര് സംബന്ധിക്കുമെന്ന് ഭാരവാഹികളായ അഷ്റഫ് കര്ള.ബഷീര് പള്ളിക്കര ഇഖ്ബാല്അബ്ദുല് ഹമീദ് .റാഫി പള്ളിപ്പുറം ഷബീര് കീഴുര് നൗഷാദ് കന്യപ്പാടി എന്നിവര് അറിയിച്ചു
