ഇന്ന് ലോക സോഷ്യല് മീഡിയ ദിനം. ആശയവിനിമയത്തിന്റെ മുഖം മാറ്റിയ സോഷ്യല് മീഡിയ ഇന്ന് നമ്മുടെ ജീവിതത്തിന്റെ ഭാഗമാണ്. അതിന്റെ പ്രാധാന്യം ഓര്മ്മപ്പെടുത്താനാണ് ജൂണ് 30-ന് ലോക സോഷ്യല് മീഡിയ ദിനം ആചരിക്കുന്നത്. ഒരൊറ്റ ക്ലിക്കില് എല്ലാ വിവരങ്ങളും നമ്മളിലേക്ക് എത്തും മിനിറ്റുകള്ക്കകം. ആശയവിനിമയത്തില് സമൂഹമാധ്യമങ്ങളുടെ പങ്ക് വിശദമായി ചര്ച്ച ചെയ്യുന്നതിനായി 2010 ല് മാഷെബിള് വാര്ത്താ വെബ്സൈറ്റ് ആണ് ആദ്യമായി മീഡിയ ദിനം ആചരിച്ചു തുടങ്ങിയത്.
നാം ജീവിക്കുന്നത് ഇരുപത്തിയൊന്നാം നൂറ്റാണ്ടിലാണ്. കയ്യെത്താ ദൂരത്തായി ഇന്നൊന്നുമില്ല. ഓണ്ലൈന് എന്ന വാക്ക് നിത്യ ജീവിതത്തിന്റെ ഭാഗമായി കഴിഞ്ഞു. ലോകത്തെ തന്നെ ആദ്യത്തെ സമൂഹമാധ്യമ പ്ലാറ്റ്ഫോമാണ് സിക്സ് ഡിഗ്രിസ്. അമേരിക്കന് സംരംഭകനായിരുന്ന ആന്ട്രു വെയിന്റിച്ചാണ് സിക്സ് ഡിഗ്രിസിന് തുടക്കമിട്ടത്. പിന്നീട് 2001ല് സിക്സ് ഡിഗ്രിസിന്റെ കാലം അവസാനിച്ചതോടെയാണ് ഫെയ്സ്ബുക്ക്, മൈ സ്പേസ്, ഫ്രണ്ട്സ് സ്റ്റാര്, എന്നിവ ലോകം ഭരിക്കാന് തുടങ്ങി.
പിന്നീടങ്ങോട്ട് സോഷ്യല് മീഡിയയുടെ യുഗപ്പിറവി തന്നെയായിരുന്നു. സോഷ്യല് മീഡിയയുടെയും ഓണ്ലൈന് ഗെയിമുകളുടെയും ഉപയോഗം കുട്ടികളെ വല്ലാതെ ബാധിക്കുന്നുണ്ട്. സര്വ്വവ്യാപിയായ സമൂഹ മാധ്യമങ്ങള് ഇന്ന് പലരുടെയും വരുമാനമാര്ഗ്ഗവുമാണ്. ജാഗ്രതയോടെ ഉപയോഗിക്കണമെന്ന് മാത്രം.
