ഫൈനല് സെലക്ഷന് ക്യാമ്പ് സമാപിച്ചു
തൃക്കരിപ്പൂര്:പാലക്കാട് നടക്കുന്ന ജൂനിയര് ഗേള്സ് സംസ്ഥാന ഫുട്ബോള് ചാമ്പ്യന്ഷിപ്പില് പങ്കെടുക്കുന്ന കാസറഗോഡ് ജില്ലാ ടീമിന്റെ അന്തിമ പരിശീലന ക്യാമ്പും ഫൈനല് ടീം സെലക്ഷനും നടക്കാവ് സിന്തറ്റിക് സ്റ്റേഡിയത്തില് നടന്നു.
സംസ്ഥാന ചാമ്പ്യന്ഷിപ്പില് ജില്ലയിലെ മികച്ച പ്രകടനം ലക്ഷ്യമിട്ട് നടത്തിയ പരിശീലന ക്യാമ്പില് വിവിധ ഭാഗങ്ങളില് നിന്നുള്ള പ്രതിഭാധനരായ താരങ്ങള് പങ്കെടുത്തു. ഫൈനല് സെലക്ഷന് നടപടികള്ക്ക് ഡി.എഫ്.എ സെക്രട്ടറി ടി. കെ. എം. റഫീഖ് നേതൃത്വം നല്കി.
കോച്ചുമാരായ കെ. വി. ഗോപാലന്, ഗണേശന്, വൈശാഖ് എം., ശ്രീജിത്ത് കുറ്റിക്കോല്, എ. പ്രവീണ്കുമാര്, സുമേഷ്, ഇബ്രാഹിം ചായ്യോത്ത്, ഹേമന്ത്, വിജോഷ് എന്നിവര് ക്യാമ്പിന് നേതൃത്വം നല്കി. താരങ്ങളുടെ പ്രകടനം വിലയിരുത്തി സംസ്ഥാന ചാമ്പ്യന്ഷിപ്പില് ജില്ലയെ പ്രതിനിധീകരിക്കുന്ന അന്തിമ ടീമിനെ തിരഞ്ഞെടുത്തു.
പരിശീലന ക്യാമ്പിലും ഫൈനല് സെലക്ഷന് ചടങ്ങിലും നിരവധി രക്ഷിതാക്കളും കായികപ്രേമികളും പങ്കെടുത്ത് ടീമിന് ആശംസകള് നേര്ന്നു. സംസ്ഥാന ചാമ്പ്യന്ഷിപ്പില് കാസറഗോഡ് ജില്ലാ ടീം മികച്ച നേട്ടം കൈവരിക്കുമെന്ന ആത്മവിശ്വാസമാണ് പരിശീലകരും കായികപ്രവര്ത്തകരും പങ്കുവെച്ചത്.
പാലക്കാട് നടക്കുന്ന സംസ്ഥാന പോരാട്ടത്തിന് ഒരുങ്ങി കാസര്കോട് ജൂനിയര് ഗേള്സ് ടീം
