സെക്രട്ടറിയേറ്റിന് മുന്നിലെ എല്പിഎസ്ടി ഉദ്യോഗാര്ത്ഥികളുടെ സമരം ഇന്ന് ഇരുപത്തിയൊമ്പതാം ദിവസം.സമരസമിതി സെക്രട്ടറി എസ് വളര്മതി 5 ദിവസമായി നിരാഹാരം തുടരുന്നുണ്ട്. വിദ്യാര്ത്ഥി അധ്യാപക അനുപാതം കുറയ്ക്കുക, എയ്ഡഡ് സ്കൂള് നിയമനങ്ങള് പിഎസ്സിക്ക് വിടുക തുടങ്ങിയവയാണ് സമരാവശ്യങ്ങള്.
റാങ്ക് ലിസ്റ്റ് പ്രസിദ്ധീകരിച്ച് ഒരു വര്ഷം പിന്നിട്ടിട്ടും നിയമനം ലഭിക്കാത്തതില് പ്രതിഷേധിച്ചാണ് സെക്രട്ടറിയേറ്റിന് മുന്നിലെ പ്രതിഷേധം . അഞ്ചു ജില്ലകളില് ഇതുവരെ ഒന്നാം റാങ്കുകാരന് പോലും ജോലിയില് പ്രവേശിക്കാന് കഴിഞ്ഞിട്ടില്ല. സത്യാഗ്രഹം ആരംഭിച്ച് ഒരു മാസത്തോടടുക്കുമ്പോഴും സര്ക്കാര് സമരാവശ്യങ്ങള് പരിഗണിച്ചിട്ടില്ല.
ഇതോടെയാണ് എല്പിഎസ്ടി റാങ്ക് ഹോള്ഡേഴ്സ് അസോസിയേഷന് സമരത്തിന്റെ രണ്ടാംഘട്ടത്തിലേക്ക് കടക്കുന്നത് . ഉദ്യോഗാര്ത്ഥികള് സെക്രട്ടറിയേറ്റ് വളഞ്ഞു. വിദ്യാര്ത്ഥികളുടെ കൊഴിഞ്ഞുപോക്കാണ് പുതിയ തസ്തികകള് സൃഷ്ടിക്കാന് തടസമെന്നാണ് വിവരം. അധ്യാപക വിദ്യാര്ത്ഥി അനുപാതം 1:25 ആക്കിയാല് കുറച്ച് ഉദ്യോഗാര്ത്ഥികള്ക്ക് എങ്കിലും ജോലി ലഭിക്കും. രണ്ടുമാസം സാവകാശം വേണമെന്നാണ് വിഷയത്തില് വിദ്യാഭ്യാസ വകുപ്പ് വിശദീകരിക്കുന്നത്.
