എന്നാല്, യാത്ര പൂര്ത്തിയാകുമ്പോള് യാത്രക്കാരന് വേണമെങ്കില് സ്വമേധയാ ടിപ്പ് നല്കാമെന്നും കേന്ദ്രം അറിയിച്ചു.
ദില്ലി: യാത്രക്ക് മുന്പ് ടിപ്പ് ചോദിക്കരുതെന്ന് ട്രാവല് ആപ്പുകള്ക്ക് നിര്ദേശം നല്കി കേന്ദ്ര സര്ക്കാര്. യാത്ര ബുക്ക് ചെയ്യുമ്പോള് ടിപ്പ് നല്കാന് ആവശ്യപ്പെടുന്ന രീതി ഒഴിവാക്കണമെന്നും ടിപ്പ് നല്കിയാല് വേഗം വാഹനം ലഭിക്കും എന്ന പ്രേരണയും പാടില്ലെന്നും പറയുന്നു. യാത്ര ആരംഭിക്കുന്നതിന് മുമ്പ് ടിപ്പ് ഓപ്ഷന് കാണിക്കരുതെന്നും നിര്ദേശിച്ചു. റാപ്പിഡോ, ഊബര്, ഓല തുടങ്ങിയ ആപ്പുകള്ക്ക് ഗതാഗത മന്ത്രാലയമാണ് നിര്ദേശം നല്കിയത്. എന്നാല്, യാത്ര പൂര്ത്തിയാകുമ്പോള് യാത്രക്കാരന് വേണമെങ്കില് സ്വമേധയാ ടിപ്പ് നല്കാമെന്നും കേന്ദ്രം അറിയിച്ചു.
റോഡ് ഗതാഗത മന്ത്രാലയമാണ് നിര്ദേശം നല്കിയത്. ആപ്പുകളിലെ സവിശേഷതകള് 2025 ലെ മോട്ടോര് വെഹിക്കിള് അഗ്രഗേറ്റര് മാര്ഗ്ഗനിര്ദ്ദേശങ്ങള് ലംഘിക്കുന്നുണ്ടെന്നും നിര്ദേശത്തില് വ്യക്തമാക്കി. 2019 ലെ ഉപഭോക്തൃ സംരക്ഷണ നിയമത്തിന്റെയും നിയമങ്ങളുടെയും ചട്ടങ്ങളുടെയും ലംഘനമായ തെറ്റിദ്ധരിപ്പിക്കുന്നതോ കൃത്രിമം കാണിക്കുന്നതോ ആയ ഒന്നും ആപ്പില് നല്കരുതെന്നും മാര്ഗ നിര്ദേശങ്ങളില് പറയുന്നു. നേരത്തെ, ഈ രീതി നിര്ത്താന് കേന്ദ്ര ഉപഭോക്തൃ സംരക്ഷണ അതോറിറ്റി പ്ലാറ്റ്ഫോമുകളോട് നിര്ദേശിച്ചിരുന്നു.
