21
തിരുവനന്തപുരം: നാളെ നടക്കാനിരിക്കുന്ന ആറ്റുക്കാല്‍ പൊങ്കാലയോട് അനുബന്ധിച്ച് ഭക്തജനങ്ങള്‍ക്കായി പ്രത്യേക ക്രമീകരണങ്ങള്‍ ഒരുക്കി റെയില്‍വെ. തിരുവനന്തപുരം റെയില്‍വെ സ്റ്റേഷനിലാണ് ക്രമീകരണങ്ങള്‍ ഒരുക്കയിരിക്കുന്നത്. ഒന്നാം നമ്പര്‍ പ്ലാറ്റ്ഫോമില്‍ നഗര്‍കോവില്‍ ഭാഗത്തേക്കുള്ള ട്രെയിനുകള്‍ മാത്രവും, 2,3,4,5 പ്ലാറ്റ്ഫോമുകളില്‍ കൊല്ലത്തേക്കുള്ള ട്രെയിനുകളുമാവും സജ്ജീകരിക്കുക. ഇതു കൂടാതെ പവര്‍ഹൗസ് റോഡിലെ അടച്ചിട്ട വഴി തുറന്നു നല്‍കും. ഇതുവഴി സ്റ്റേഷനിലേക്ക് പ്രവേശനം മാത്രം അനുവദിക്കും.
