കോതമംഗലം എസ്എച്ച്ഒയെ ഭീഷണിപ്പെടുത്തിയ കേസിലാണ് അര്ജുന് ആയങ്കി ജാമ്യം ലഭിച്ചത്. കോതമംഗലം മജിസ്ട്രേറ്റ് കോടതിയാണ് ജാമ്യം അനുവദിച്ചത്.
കൊച്ചി: നിരവധി ക്രിമിനല് കേസുകളില് പ്രതിയായ അര്ജുന് ആയങ്കിക്ക് ഒരു കേസില് കൂടി ജാമ്യം. കോതമംഗലം എസ്എച്ച്ഒയെ ഭീഷണിപ്പെടുത്തിയ കേസിലാണ് അര്ജുന് ആയങ്കി ജാമ്യം ലഭിച്ചത്. കോതമംഗലം മജിസ്ട്രേറ്റ് കോടതിയാണ് ജാമ്യം അനുവദിച്ചത്. ജാമ്യം ലഭിച്ചെങ്കിലും കാപ്പ ചുമത്തിയതിനാല് തലശ്ശേരി സബ് ജയിലില് കഴിയുന്ന അര്ജുന് പുറത്തിറങ്ങാന് കഴിയില്ല. ആലുവ റൂറല് പൊലീസ് രജിസ്റ്റര് ചെയ്ത മൂന്ന് കേസുകളില് കൂടി അര്ജുന് ആയങ്കി ജാമ്യം കിട്ടാനുണ്ട്. റിസോര്ട്ട് കേസിലെ ജാമ്യം റദ്ദാക്കുകയും ചെയ്തിരുന്നു.
ആഭ്യന്തരമന്ത്രി രമേശ് ചെന്നിത്തലയെ സമൂഹമാധ്യമത്തിലൂടെ അധിക്ഷേപിച്ച കേസില് അര്ജുന് ആയങ്കിക്ക് നേരത്തെ ജാമ്യം ലഭിച്ചിരുന്നു. കണ്ണൂര് സൈബര് പൊലീസ് എടുത്ത കേസില് തലശ്ശേരി ചീഫ് ജുഡീഷ്യല് മജിസ്ട്രേറ്റ് കോടതിയാണ് ജാമ്യം നല്കിയത്. അതേസമയം, അര്ജുന് ആയങ്കിയം കണ്ണൂര് സെന്ട്രല് ജയിലിലേക്ക് മാറ്റാന് അനുമതി തേടി പൊലീസ് കോടതിയില് അപേക്ഷ നല്കിയിട്ടുണ്ട്. കഴിഞ്ഞ ദിവസമാണ് അര്ജുന് ആയെങ്കിക്കതിരെ കാപ്പ ചുമത്തി കണ്ണൂര് ജില്ലാ കളക്ടര് ഉത്തരവിട്ടത്.
