കാഞ്ഞങ്ങാട് : സമസ്ത പൊതു പരീക്ഷയില്‍ 5,7,10 ക്ലാസ്സുകളില്‍ ടോപ് പ്ലസ് നേടിയ വിദ്യാര്‍ത്ഥികളെ കൊളവയല്‍ നിസ് വ കോളേജ് ആദരിച്ചു. പാലക്കി അബ്ദുല്‍ റഹ്‌മാന്‍ ഹാജിയുടെ അധ്യക്ഷതയില്‍ കോളേജ് ചെയര്‍മാന്‍ സി സുലൈമാന്‍ ഹാജി പരിപാടി ഉദ്ഘാടനം ചെയ്തു. ആയിഷ ബഷീര്‍, സുഹാന സത്താര്‍, ഷഹാമ മറിയം, അംന നസ്രിന്‍, ഫാത്തിമ സഹ്റ, ആയിഷ പി. എ, മറിയമ്പി, നൈഫ, ആയിഷ മുഹമ്മദ്, സെന്നീറാഹ്, റിംഷ, ഇസ്മായില്‍, ഇമ്രാന്‍, നുസ് ഹ എന്നീ വിദ്യാര്‍ത്ഥികളെയാണ് അനുമോദിച്ചത്. സദര്‍ മുഅല്ലിം ആരിഫ് മുഹമ്മദ് ഫൈസി ആമുഖ ഭാഷണം നടത്തി. ഫാറൂഖ് വാഫിയുടെ പ്രാര്‍ത്ഥനയോട് കൂടി ആരംഭിച്ച ചടങ്ങില്‍ ഹംസ കൊളവയല്‍ നന്ദി പറഞ്ഞു. കോളേജ് പ്രിന്‍സിപ്പല്‍ ആയിഷ ഫര്‍സാന, കോളേജ് ഡയറക്ടറ്റ് ബോര്‍ഡ് അംഗങ്ങളായ അബൂബക്കര്‍, മുഷ്ത്താക് ഹുദവി, നദീം, ഹസീബ്, ജമാഅത് സെക്രട്ടറി മുസ്തഫ കൊളവയല്‍ എന്നിവര്‍ സംസാരിച്ചു.
