26
നഗരസഭയുടെ 2024- 24 വാര്‍ഷിക പദ്ധതിയില്‍ പെടുത്തി 16 പട്ടികജാതി പ്രൊഫഷണല്‍ വദ്യാര്‍ത്ഥികള്‍ക്ക് പഠന ആവശ്യത്തിനായി ലാപ് ടോപ്പുകള്‍ നല്‍കി. ഉന്നത വിദ്യാഭ്യാസ മേഖലയില്‍ പഠനം നടത്തുന്ന 42 വിദ്യാര്‍ത്ഥികള്‍ക്ക് 10 ലക്ഷം രൂപയുടെ മെറിറ്റോറിയസ് സ്‌കോളര്‍ഷിപ്പുകളും വിതരണം ചെയ്തു. ആവിക്കരയില്‍ നടന്ന ചടങ്ങില്‍ ഇ.ചന്ദ്രശേഖരന്‍ എം.എല്‍.എ വിതരണോദ്ഘാടനം നിര്‍വ്വഹഹിച്ചു. കാഞ്ഞങ്ങാട് നഗരസഭാ ചെയര്‍പേഴ്സണ്‍ കെ.വി സുജാത ടീച്ചര്‍ അധ്യക്ഷത വഹിച്ചു. വികസനകാര്യ സ്ഥിരം സമിതി ചെയര്‍ പേഴ്സണ്‍ കെ.ലത, വാര്‍ഡ് കൗണ്‍സിലര്‍ എ.കെ ലക്ഷ്മി, കെ.സഞ്ജീവന്‍, പ്രജിത് കുമാര്‍ എന്നിവര്‍ സംസാരിച്ചു. എസ്.സി.ഡി.ഒ പി.ബി ബഷീര്‍ സ്വാഗതവും പ്രമോട്ടര്‍ ടി.എസ് ശ്രുതി നന്ദിയും പറഞ്ഞു.
