കണ്ണൂര്: സെന്ട്രല് ജയിലില് തടവുകാര് തമ്മില് ഏറ്റുമുട്ടല്. ജയിലില് കഴിയുന്ന കാപ്പ തടവുകാരാണ് ഏറ്റുമുട്ടിയത്. സംഘര്ഷത്തില് ഒരു തടവുകാരന് കുത്തേറ്റു. കോട്ടയം സ്വദേശിയായ മനുവിനാണ് കുത്തേറ്റത്. ഇയാളെ പരിയാരം മെഡിക്കല് കോളേജ് ആശുപത്രിയില് പ്രവേശിപ്പിച്ചു. എറണാകുളം സ്വദേശി അപ്പു എന്നയാളാണ് മനുവിനെ കുത്തിപരിക്കേല്പ്പിച്ചതെന്നാണ് വിവരം.
അതിനിടെ, ശനിയാഴ്ച കണ്ണൂര് സ്പെഷല് സബ് ജയിലിലെ ഉദ്യോഗസ്ഥന് തടവുകാരന്റെ മര്ദനമേറ്റ സംഭവവുമുണ്ടായി. പീഡനക്കേസില് റിമാന്ഡില് കഴിയുന്ന സുഹൈല് എന്നയാളാണ് ആക്രമണം നടത്തിയത്. അസി. പ്രിസണ് ഓഫീസര് ചില്നേഷ് ചന്ദ്രന് ആക്രമണത്തില് പരിക്കേറ്റു. സംഭവത്തില് കണ്ണൂര് ടൗണ് പൊലീസ് കേസെടുത്തു
