ചികിത്സാ ധന സഹായം നല്‍കി

അബുദാബി: അബുദാബി മഞ്ചേശ്വരം മണ്ഡലം KMCC യുടെ ഷിഫാഹുറഹ്‌മ കാരുണ്യ ഹസ്തം പദ്ധതിയുടെ 2025 മാര്‍ച്ച് മാസത്തെ യോഗം
അബു ദാബി ഇന്ത്യന്‍ ഇസ്ലാമിക സെന്ററില്‍ വെച്ചു നടത്തുകയുണ്ടായി.
മണ്ഡലം കമ്മിറ്റിയുടെ കീഴില്‍ കഴിഞ്ഞ ആറ് വര്‍ഷത്തോളമായി നടപ്പിലാക്കിവരുന്ന ശിഫാഹുറഹ്‌മാ കാരുണ്യ ഹസ്തം പദ്ധതിയുടെ ഭാഗമായി മാര്‍ച്ച് മാസത്തെ ചികിത്സാ ധന സഹായം മഞ്ചേശ്വരം മണ്ഡലത്തിലെ 8 പഞ്ചായത്തില്‍ പെട്ട 6 ക്യാന്‍സര്‍ രോഗികള്‍ക്കും 2 കിഡ്‌നി രോഗികുമായി
മൊത്തം 8 രോഗികള്‍ക്ക് ചികിത്സാ തുക അനുവദിച്ചു നല്‍കി.
മംഗല്‍പാടി പഞ്ചായത്തിലെ 3 ആം വാര്‍ഡ് പച്ചിലംപാറയിലെ കാന്‍സര്‍ രോഗിക്കും, കുമ്പള പഞ്ചായത്ത് 17 ആം വാര്‍ഡിലെ കാന്‍സര്‍ രോഗിക്കും, വോര്‍ക്കാടി പഞ്ചായത്ത് 9 ആം വാര്‍ഡ് സോഡന്‍കൂറിലെ കിഡ്‌നി രോഗിക്കും, മീഞ്ച പഞ്ചായത്തിലെ കടമ്പാര്‍ വാര്‍ഡ് ലെ കിഡ്‌നി രോഗിക്കും, പൈവളികെ പഞ്ചായത്ത് കളായി വാര്‍ഡ് ലെ കാന്‍സര്‍ രോഗിക്കും, എന്‍മകജെ പഞ്ചായത്ത് മലങ്കരയിലെ കാന്‍സര്‍ രോഗിക്കും ,പുത്തിഗെ പഞ്ചായത് 8ആം വാര്‍ഡ് മുകാരികണ്ടയിലെ കാന്‍സര്‍ രോഗിക്കും, മഞ്ചേശ്വരം പഞ്ചായത്ത് 20 ആം വാര്‍ഡിലെ കാന്‍സര്‍ രോഗിക്കുമാണ് തുക അനുവദിച്ചു നല്‍കിയത്.
മഞ്ചേശ്വരം മണ്ഡലത്തിലെ മുസ്ലിം ലീഗ് പഞ്ചായത്ത് കമ്മിറ്റികള്‍ മുഖാന്തരം ലഭിക്കുന്ന അപേക്ഷയിന്‍ മേലാണ് തുക അനുവദിച്ചു നല്‍കുന്നത് . ഓരോ രോഗികള്‍ക്കും അനുവദിക്കുന്ന പതിനായിരം രൂപ അതാത് പഞ്ചായത്ത് മുസ്ലിം ലീഗ് ഭാരവാഹികള്‍ക്ക് കൈമാറുകയും തുടര്‍ന്ന് വാര്‍ഡ് കമ്മിറ്റി മുഖാന്തിരം രോഗിക്ക് നേരിട്ട് ഏല്‍പ്പിക്കുകയും ചെയ്യും .
അബു ദാബി ഇന്ത്യന്‍ ഇസ്ലാമിക സെന്ററില്‍ ചേര്‍ന്ന മാസാന്ത ഷിഫാഹുറഹ്‌മാ യോഗത്തില്‍ അഷ്റഫ് അലി ബസറ പ്രാര്‍ത്ഥനക് നേത്രത്വം നല്‍കി .
മഞ്ചേശ്വരം മണ്ഡലം പ്രസിഡന്റ് അസിസ് പെര്‍മുദെ അധ്യക്ഷം വഹിച്ചു. ജില്ലാ ട്രഷെറെര്‍ ഉമ്പു ഹാജി പെര്‍ള ഉദ്ഘാടനം ചെയ്തു ,ജില്ലാ ഭാരവാഹികളായ ഹനീഫ് ചള്ളങ്കയം , ഇസമായില്‍ മുഗുലി,മണ്ഡലം ഭാരവാഹികളായ റസാഖ് നല്‍ക്ക, സുനൈഫ് പേരാല്‍ ,ഫാറൂഖ് സീതങ്ങോളി,അബ്ദുല്‍ ലത്തീഫ് ഇറോഡി,ഇബ്രാഹിം ജാര,പഞ്ചായത്ത് നേതാക്കളായ ഹമീദ് മാസിമാര്‍,സമീര്‍ മുഗുറോഡ്,അച്ചു പച്ചമ്പല,നൂറുദ്ധീന്‍ ഉറുമി,മുനീര്‍ ബത്തേരി , അസീസ് കന്തല്‍, തുടങ്ങിയവര്‍ സംബന്ധിച്ചു.
രോഗികള്‍ക്കുള്ള ധന സഹായം ഷിഫാഹുര്‍റഹ്‌മ കോര്‍ഡിനേറ്റര്‍ അബ്ദുല്‍ ലത്തീഫ് ഇറോഡി ,അസീസ് കന്തലിന് കൈമാറി.
മണ്ഡലം ജനറല്‍ സെക്രെട്ടറി ഷാ ബന്ദിയോട് സ്വാഗതവും മണ്ഡലം ട്രെഷറര്‍ ഖാലിദ് ബംബ്രാണ നന്ദിയും പറഞ്ഞു.
മണ്ഡലം കമ്മിറ്റിയുടെ കീഴില്‍ കഴിഞ്ഞ ആറ് വര്‍ഷത്തോളമായി നടപ്പിലാക്കിവരുന്ന ശിഫാഹുറഹ്‌മാ കാരുണ്യ ഹസ്തം പദ്ധതിയുടെ ഭാഗമായി മാര്‍ച്ച് മാസത്തെ ചികിത്സാ ധന സഹായം മഞ്ചേശ്വരം മണ്ഡലത്തിലെ 8 പഞ്ചായത്തില്‍ പെട്ട 6 ക്യാന്‍സര്‍ രോഗികള്‍ക്കും 2 കിഡ്‌നി രോഗികുമായി
മൊത്തം 8 രോഗികള്‍ക്ക് ചികിത്സാ തുക അനുവദിച്ചു നല്‍കി.