എസ്എഫ്ഐ സമരത്തില് അറസ്റ്റ് തുടരാന് പൊലീസിന്റെ തീരുമാനം. വധശ്രമത്തിന് 30ലധികം പേരെ അറസ്റ്റ് ചെയ്യും. വ്യാഴാഴ്ച രാത്രി രണ്ട് എസ്എഫ്ഐ പ്രവര്ത്തകരെ പൊലീസ് അറസ്റ്റ് ചെയ്തിരുന്നു. ഇതിനെതിരെ ഡിവൈഎഫ്ഐ പ്രതിഷേധം ഉണ്ടായി.
തിരുവനന്തപുരം: എസ്എഫ്ഐ സമരത്തില് അറസ്റ്റ് തുടരുമെന്ന് പൊലീസ്. സെക്രട്ടറിയേറ്റ് മാര്ച്ചിനിടെ പൊലീസിനെ ആക്രമിച്ചത് വധശ്രമത്തിന് എഫ്ഐആറില് പേരുചേര്ത്ത 30ലധികം പേരെ അറസ്റ്റ് ചെയ്യാനാണ് തീരുമാനം. എസ്എഫ്ഐ പ്രവര്ത്തകര് പലരും സിപിഎം കേന്ദ്രങ്ങളില് സംരക്ഷണത്തിലാണെന്നാണ് പൊലീസിന് ലഭിച്ച വിവരം. മൂന്നുപേരെ ഇതുവരെ അറസ്റ്റ് ചെയ്തു. പ്രവര്ത്തകരെ അറസ്റ്റ് ചെയ്താല് സ്റ്റേഷന് ഉപരോധിക്കാനാണ് സിപിഎം – ഡിവൈഎഫ് തീരുമാനം.
തലസ്ഥാനത്ത് കഴിഞ്ഞ രണ്ട് ദിവസങ്ങളായി എസ്എഫ്ഐ പ്രതിഷേധം തുടരുകയാണ്. ഇതുമായി ബന്ധപ്പെട്ട് പൊലീസ് രജിസ്റ്റര് ചെയ്ത രണ്ട് കേസുകളിലാണ് എസ്എഫ്ഐ പ്രവര്ത്തകരുടെ അറസ്റ്റ് തുടരുന്നത്. വ്യാഴാഴ്ച രാത്രിയോടെ രണ്ട് എസ്എഫ്ഐ പ്രവര്ത്തകരെ കൂടി അറസ്റ്റ് ചെയ്തിരുന്നു. ഇതില് പ്രതിഷേധിച്ച് ഡിവൈഎഫ്ഐയുടെ നേതൃത്വത്തില് കന്റോണ്മെന്റ് സ്റ്റേഷനിലേക്ക് മാര്ച്ച് നടത്തിയിരുന്നു. എഴുപതോളം പ്രവര്ത്തകര് ഉള്പ്പെട്ട മാര്ച്ച് പൊലീസ് സ്റ്റേഷന് സമീപം ബാരിക്കേഡ് ഉപയോഗിച്ച് തടഞ്ഞു. പ്രവര്ത്തകര് ബാരിക്കേഡ് മറികടക്കാന് ശ്രമിച്ചതിനെ തുടര്ന്ന് രണ്ട് തവണ ജലപീരങ്കി പ്രയോഗിച്ചു.
