കാസറഗോഡ് : കാസര്‍കോട് താലൂക്ക് ലൈബ്രറി കൗണ്‍സിന്റെ നേതൃത്വത്തിന്‍ ഗ്രന്ഥശാലയിലെ ബാലവേദി പ്രവര്‍ത്തര്‍ക്ക് ഏകദിന ശില്‍പ്പശാല സംഘടിപ്പിച്ചു. നാളത്തെ കേരളത്തെ രൂപപ്പെടുത്തുന്നതിനുള്ള ഇടപെടലുകളില്‍ ഏറെ പ്രധാനത്തെപ്പെട്ട ഒന്നാണ് ബാലവേദി പ്രവര്‍നങ്ങള്‍. വലിയ അളവില്‍ മാറ്റങ്ങള്‍ക്ക് വിധേയമായികൊണ്ടിരിക്കുന്ന കേരളീയ സമൂഹത്തില്‍ കുട്ടികള്‍ക്കിടയില്‍ ഇടപ്പെട്ടു പ്രവര്‍ത്തിക്കുന്നതിന് നാം നമ്മെ തന്നെ നിരന്തരം പുതുക്കേണ്ടതുണ്ട്. ഇത്തരമൊരു സ്വയം നവീകരണത്തിന്റ തുടക്കമാണ് ഈ പരിശീലനം.
ഗ്രന്ഥലോകം ചീഫ് എഡിറ്റര്‍ ശ്രീ പി.വി.കെ പനയാല്‍ പരിപാടി ഉദ്ഘാടനം ചെയ്തു. താലൂക്ക് ലൈബ്രറി കൗണ്‍സില്‍ പ്രസിഡന്റ് ഇ. ജനാര്‍ദ്ദനന്‍ അധ്യക്ഷത വഹിച്ചു. ശ്രീ.എ.കരുണാകരന്‍, ശ്രീ കെ കെ രാജന്‍ മാസ്റ്റര്‍, ശ്രീ രാഘവന്‍ വലിയ വീട്, ശ്രീ രാജശേഖരന്‍, സ്‌കൂള്‍ ഹെഡ്മാസ്റ്റര്‍ മുഹമ്മദലി മാസ്റ്റര്‍. എന്നിവര്‍ സംസാരിച്ചു. താലൂക്ക് സെക്രട്ടറി ശ്രീ പി ദാമോദരന്‍ സ്വാഗതം പറഞ്ഞ ചടങ്ങിന് രാജേഷ് പാടി നന്ദി രേഖപ്പെടുത്തി.
ശ്രീ ജയന്‍ കാടകം , ശ്രീ സുനില്‍ പട്ടേന എന്നിവര്‍ ക്ലാസുകള്‍ക്ക് നേതൃത്വം നല്‍കി.
വര്‍ണ്ണക്കൂടാരംബാലവേദി ഏകദിന ക്യാമ്പ് സംഘടിപ്പിച്ചു
36
