യുഎസ് ഓപ്പണ് പുരുഷ സിം?ഗിള്സ് കിരീടം ജര്മനിയുടെ അലക്സാണ്ടര് സ്വരേവിന്. ഞായറാഴ്ച നടന്ന ഫൈനലില് അമേരിക്കയുടെ ബെന് ഷെല്ട്ടണെ കീഴടക്കിയാണ് സ്വരേവ് തന്റെ ആദ്യ യുഎസ് ഓപ്പണ് കിരീടം സ്വന്തമാക്കിയത്. സ്കോര്: 6-3, 7-6, 5-7, 6-2.
ന്യൂയോര്ക്ക്: യുഎസ് ഓപ്പണ് പുരുഷ സിം?ഗിള്സ് കിരീടം ജര്മനിയുടെ അലക്സാണ്ടര് സ്വരേവിന്. ഞായറാഴ്ച നടന്ന ഫൈനലില് അമേരിക്കയുടെ ബെന് ഷെല്ട്ടണെ ഒന്നിനെതിരേ മൂന്ന് സെറ്റുകള്ക്ക് കീഴടക്കിയാണ് സ്വരേവ് തന്റെ ആദ്യ യുഎസ് ഓപ്പണ് കിരീടം സ്വന്തമാക്കിയത്. സ്കോര്: 6-3, 7-6, 5-7, 6-2.
മൂന്നരമണിക്കൂറോളം നീണ്ടുനിന്ന ഫൈനല് പോരാട്ടത്തില് ആദ്യ രണ്ട് സെറ്റുകള് സ്വന്തമാക്കി സ്വരേവ് മത്സരത്തില് മുന്കൈ നേടിയിരുന്നു. എന്നാല്, മൂന്നാം സെറ്റ് നേടി ബെന് ഷെല്ട്ടണ് മത്സരത്തിലേക്ക് തിരിച്ചെത്തി. ഒടുവില് നാലാം സെറ്റില് മികച്ച പ്രകടനം പുറത്തെടുത്ത സ്വരേവ് 6-2ന് സെറ്റും മത്സരവും സ്വന്തമാക്കി കിരീടം നേടുകയായിരുന്നു. 2020-ലെ യുഎസ് ഓപ്പണ് ഫൈനലില് ഡൊമിനിക് തീമിനോട് സ്വരേവ് പരാജയപ്പെട്ടിരുന്നു. തുടര്ന്ന് ആറുവര്ഷങ്ങള്ക്കുശേഷമാണ് ജര്മന് താരം യുഎസ് ഓപ്പണ് കിരീടത്തില് മുത്തമിടുന്നത്. സ്വരേവിന്റെ രണ്ടാം ?ഗ്രാന്ഡ് സ്ലാം കിരീടമാണിത്.
കഴിഞ്ഞദിവസം നടന്ന വനിതാ സിം?ഗിള്സ് ഫൈനലില് കസാഖിസ്ഥാന്റെ എലെന റൈബാക്കിനയാണ് കിരീടം നേടിയത്. തുടര്ച്ചയായ മൂന്നാംകിരീടം ലക്ഷ്യമിട്ടിറങ്ങിയ ആര്യാന സബലേങ്കയെ തോല്പ്പിച്ചാണ് എലെന കിരീടം ചൂടിയത്. എലെനയുടെ മൂന്നാം ?ഗ്രാന്ഡ്സ്ലാം കിരീടമാണിത്.
