ഐപിഎല്‍ 18-ാം സീസണില്‍ കൂടുതല്‍ സിക്‌സറുകള്‍ പറത്തിയ താരങ്ങളുടെ പട്ടികയില്‍ ഒന്നാമതാകാന്‍ പഞ്ചാബ് കിങ്‌സ് നായകന്‍ ശ്രേയസ് അയ്യര്‍. നിലവില്‍ 14 മത്സരങ്ങളില്‍ നിന്ന് 40 സിക്‌സറുകള്‍ നേടിയ ലഖ്‌നൗ സൂപ്പര്‍ ജയന്റ്‌സ് താരം നിക്കോളാസ് പുരാനാണ് പോയിന്റ് പട്ടികയില്‍ ഒന്നാമന്‍. 16 മത്സരങ്ങള്‍ കളിച്ച ശ്രേയസ് അയ്യര്‍ 39 സിക്‌സറുകള്‍ പറത്തി. രണ്ട് ബിഗ് ഹിറ്റുകള്‍ കൂടി പറത്തിയാല്‍ ഈ സീസണില്‍ ഏറ്റവും കൂടതല്‍ സിക്‌സര്‍ പറത്തിയ താരമായി ശ്രേയസ് അയ്യരിന് മാറാം.
മുംബൈ ഇന്ത്യന്‍സ് ബാറ്റര്‍ സൂര്യകുമാര്‍ യാദവാണ് കൂടുതല്‍ സിക്‌സറുകള്‍ നേടിയ താരങ്ങളില്‍ മൂന്നാമതുള്ളത്. 16 മത്സരങ്ങളില്‍ നിന്ന് 38 സിക്‌സറുകള്‍ സൂര്യ നേടി. 13 മത്സരങ്ങളില്‍ നിന്ന് 37 സിക്‌സറുകള്‍ നേടിയ ലഖ്‌നൗ സൂപ്പര്‍ ജയന്റ്‌സിന്റെ മിച്ചല്‍ മാര്‍ഷ് നാലാമതുണ്ട്. 14 മത്സരങ്ങളില്‍ 28 തവണ സിക്‌സര്‍ പറത്തിയ സണ്‍റൈസേഴ്‌സ് താരം അഭിഷേക് ശര്‍മ അഞ്ചാം സ്ഥാനത്തുമുണ്ട്.
IPL 2025ല്‍ കൂടുതല്‍ സിക്‌സറുകള്‍ പറത്തിയവര്‍; ഒന്നാമതാകാന്‍ ശ്രേയസിന് വേണ്ടത് രണ്ട് ബിഗ് ഹിറ്റുകള്‍
38
