RSS ഭരണഘടനാ വിരുദ്ധരുടെ കൂട്ടായ്മ; ആര്‍.എസ്.എസിനോട് പോരാടുന്നതില്‍ വലിയ സന്തോഷം:രാഹുല്‍ ഗാന്ധി
ഡല്‍ഹി: ഭരണഘടനാ വിരുദ്ധരുടെ കൂട്ടായ്മയാണ് ആര്‍.എസ്.എസ് എന്ന് ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി. സ്ത്രീകള്‍ പുരുഷന്മാരുടെ സ്വത്താണ് എന്ന് വിശ്വസിക്കുന്നവരാണ് ആര്‍.എസ്.എസുകാര്‍. ആര്‍.എസ്.എസിനോട് പോരാടുന്നതില്‍ തനിയ്ക്ക് വലിയ സന്തോഷമുണ്ട്. ആര്‍.എസ്.എസിലെ നിരവധി സ്ത്രീകള്‍ തന്റെ കൂടെയുണ്ടെന്നും രാഹുല്‍ ഗാന്ധി എക്‌സ് പോസ്റ്റില്‍ കുറിച്ചു. താന്‍ ശിവ-ശക്തി സങ്കല്‍പ്പത്തില്‍ വിശ്വസിക്കുന്നുവെന്നും രാഹുല്‍ ?ഗാന്ധി കൂട്ടിച്ചേര്‍ത്തു.
വിദേശയാത്രയില്‍ വിവാദം കടുക്കുന്നതിനിടെയാണ് ആര്‍എസ്എസിനെ വിമര്‍ശിച്ച് രാഹുല്‍ ?ഗാന്ധി രം?ഗത്തെത്തിയിരിക്കുന്നത്. തെരഞ്ഞെടുപ്പ് കമ്മീഷണര്‍ക്കെതിരായ പ്രതിഷേധവുമായി വിവിധ സംഘടനകള്‍ മുന്നോട്ടുപോകവേയാണ് രാഹുല്‍ ഗാന്ധിയുടെ വിദേശയാത്ര. വിയറ്റ്‌നാമിലെ ഹനോയിലേക്ക് രാഹുല്‍ഗാന്ധി പോയന്നാണ് വിവരം. വിമാനത്തിനുള്ളില്‍ നിന്നുള്ള രാഹുലിന്റെ ദൃശ്യവും സമൂഹമാധ്യമങ്ങളില്‍ പ്രചരിക്കുന്നുണ്ട്.
രാഹുലിന്റെ വിദേശയാത്രയെ ബിജെപി നേതാക്കള്‍ പരിഹസിച്ചു. യാത്രയെ വിവാദമാക്കേണ്ട എന്ന് കോണ്‍ഗ്രസ് നേതാവ് സന്ദീപ് ദീക്ഷിത് പറഞ്ഞു. ലോക്‌സഭ ചേരുമ്പോള്‍ വിദേശയാത്ര നടത്തുന്ന പ്രധാനമന്ത്രിയാണ് ഇപ്പോഴത്തെത് എന്നും ബിജെപിക്ക് വിമര്‍ശിക്കാന്‍ അവകാശമില്ലെന്നും അദ്ദേഹം കൂട്ടിച്ചേര്‍ത്തു. യാത്രയുമായി ബന്ധപ്പെട്ട ഔദ്യോഗികമായ സ്ഥിരീകരണം കോണ്‍ഗ്രസോ രാഹുല്‍ഗാന്ധിയോ നടത്തിയിട്ടില്ല
Related Posts
ഡിഎംകെ നേതാവ് അന്‍പില്‍ മഹേഷിനെ അറസ്റ്റ് ചെയ്ത് ചെന്നൈ പൊലീസ്; 100 കോടിയുടെ കോഴക്കേസില്‍ അറസ്റ്റ്
KCN CHANNEL