സിജെപി നേതാക്കള്‍ പുറത്തേക്ക്: അശുതോഷ് റാങ്കയ്ക്കും സൗരവ് ദൗസിനും ജാമ്യം
ഡല്‍ഹി: സിജെപി നേതാക്കളായ അശുതോഷ് റാങ്കയ്ക്കും സൗരവ് ദൗസിനും ജാമ്യം. ഡല്‍ഹി സ്‌പെഷ്യല്‍ എക്‌സിക്യൂട്ടീവ് മജിസ്‌ട്രേറ്റ് ആണ് ജാമ്യം നല്‍കിയത്. പൊലീസ് മൂന്ന് ദിവസത്തേക്ക് കസ്റ്റഡി നീട്ടി ആവശ്യപ്പെട്ടിരുന്നു. എന്നാല്‍ പൊലീസിന്റെ ആവശ്യം കോടതി തള്ളുകയായിരുന്നു. ഇന്ന് ജുഡീഷ്യല്‍ കസ്റ്റഡി അവസാനിക്കാനിരിക്കുന്ന പശ്ചാത്തലത്തിലാണ് ജാമ്യം നല്‍കിയത്. ഏഴ് ദിവസം ജുഡീഷ്യല്‍ കസ്റ്റഡിയിലായിരുന്നു ഇരുവരും.
നേരത്തെ ജാമ്യഹര്‍ജിയുമായി ഹൈക്കോടതിയെ ഇരുവരും സമീപിച്ചിരുന്നു. എന്നാല്‍ ഇരുവരും ജെന്‍സികള്‍ അല്ലെന്നും നേരത്തെ ജാമ്യവ്യവസ്ഥകള്‍ ലംഘിച്ചെന്നുമായിരുന്നു ഹൈക്കോടതി വിമര്‍ശനം. പൊതുസമാധാനത്തിനും സുരക്ഷയ്ക്കുമായി ബാരിക്കേഡുകള്‍ സ്ഥാപിക്കുന്നതിന് കൃത്യമായ ലക്ഷ്യമുണ്ട്. അവ തകര്‍ക്കുന്നത് വലിയ ക്രമസമാധാന പ്രശ്‌നങ്ങള്‍ക്ക് കാരണമായേക്കാമെന്നും കോടതി ചൂണ്ടിക്കാട്ടി. ഹര്‍ജി പരിഗണിക്കാന്‍ ഹൈക്കോടതി വിസമ്മതിച്ചതിനെ തുടര്‍ന്ന് ഇരുവരും ഹര്‍ജി പിന്‍വലിക്കുകയായിരുന്നു.
പ്രതിഷേധങ്ങള്‍ക്ക് വിലക്കേര്‍പ്പെടുത്തിയ ജന്തര്‍ മന്തറില്‍ പ്രതിഷേധിക്കാന്‍ നിയന്ത്രണങ്ങള്‍ ലംഘിച്ചതിനെ തുടര്‍ന്നായിരുന്നു പൊലീസ് ഇവരെ അറസ്റ്റ് ചെയ്തിരുന്നത്. തുടര്‍ന്ന് അഞ്ച് ദിവസത്തെ ജുഡീഷ്യല്‍ കസ്റ്റഡിയിലായിരുന്നു സൗരവ് ദാസിനെയും അശുതോഷ് റാങ്കയെയും ആദ്യം വിട്ടയച്ചത്. ഇരുവരും ഒപ്പിട്ട ബോണ്ടിലെ വ്യവസ്ഥകള്‍ മനഃപൂര്‍വം ലംഘിക്കുകയും പിന്നാലെ സമാധാനലംഘനം നടത്തുകയും ചെയ്തതായി കോടതി നിരീക്ഷിച്ചതിനെ തുടര്‍ന്ന് ജുഡീഷ്യല്‍ കസ്റ്റഡി രണ്ട് ദിവസം കൂടി നീട്ടുകയായിരുന്നു.
Related Posts
ഡിഎംകെ നേതാവ് അന്‍പില്‍ മഹേഷിനെ അറസ്റ്റ് ചെയ്ത് ചെന്നൈ പൊലീസ്; 100 കോടിയുടെ കോഴക്കേസില്‍ അറസ്റ്റ്
KCN CHANNEL