ഗ്യാനേഷ് കുമാറിനെതിരായ സമരം; തുടര്‍ സമരപരിപാടികള്‍ എന്താകും? കൂടിയാലോചന തുടര്‍ന്ന് സിജെപി നേതാക്കള്‍
ജന്തര്‍ മന്തറല്ലാതെ മറ്റൊരു വേദി കണ്ടെത്തി സിജെപി പ്രതിഷേധം തുടരുമോ എന്നതാണ് ആകാംഷ. എന്തായാലും തുടര്‍ സമരങ്ങള്‍ സംബന്ധിച്ച് കൂടിയാലോചനകള്‍ തുടരുകയാണെന്നാണ് സിജെപി നേതാക്കള്‍ പറയുന്നത്.
ദില്ലി: മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ടുള്ള പ്രതിഷേധത്തില്‍ തുടര്‍ സമരപരിപാടികള്‍ സംബന്ധിച്ച് സിജെപി നേതാക്കള്‍ കൂടിയാലോചന തുടരുന്നു. അതിനിടെ, ഗ്യാനേഷിന്റെ രാജി ആവശ്യപ്പെട്ട് നംവബര്‍ ഒന്നിന് ദില്ലി രാം ലീല മൈതാനിയില്‍ നടക്കുന്ന മെഗാ റാലിയിലേക്ക് സിജെപി നേതാക്കളെ ക്ഷണിക്കണമെന്ന് ഇന്ത്യ സഖ്യത്തില്‍ അഭിപ്രായം ഉയര്‍ന്നു. ഇടത് നേതാക്കള്‍ അടക്കം ഈ നിര്‍ദ്ദേശം മുന്നോട്ട് വെച്ചേക്കും. അതേസമയം, പീസ് ബോണ്ട് ഒപ്പിടണമെന്ന സ്‌പെഷല്‍ എക്‌സിക്യുട്ടീവ് മജിസ്‌ട്രേറ്റ് നോട്ടീസിനെതിരെ ഐസ നേതാവ് നേഹ ബോറ നല്‍കിയ ഹര്‍ജി ദില്ലി ഹൈക്കോടതി ഇന്ന് പരി?ഗണിക്കും
ഇന്നലെ ജന്തര്‍ മന്തറില്‍ പ്രതിഷേധിക്കില്ല എന്ന് ഉറപ്പ് നല്‍കി മാപ്പ് പറഞ്ഞാണ് സിജെപി നേതാക്കളായ അശുതോഷും സൗരവും പുറത്തിറങ്ങിയത്. 7 ദിവസത്തെ ജയില്‍ വാസത്തിന് ശേഷം ഇന്നലെയാണ് അശുതോഷ് റാങ്കയും സൗരവ് ദാസും തിഹാര്‍ ജയിലില്‍ നിന്നും പുറത്തിറങ്ങിയത്. സിജെപി നേതാക്കളുടെ നടപടിയിലും വ്യവസ്ഥകള്‍ ലംഘിച്ചതിലും സ്‌പെഷല്‍ മജിസ്‌ട്രേറ്റ് കോടതിയിലും, ദില്ലി ഹൈക്കോടതിയിലും കനത്ത തിരിച്ചടിയാണ് സിജെപിക്കേറ്റത്. കൂടാതെ ജന്തര്‍ മന്തറില്‍ പ്രതിഷേധിക്കില്ലെന്നും പ്രതിഷേധത്തിന് ആഹ്വാനം ചെയ്യില്ലെന്നും ഇരുവരും കോടതിയില്‍ ഉറപ്പ് നല്‍കി മാപ്പ് പറഞ്ഞാണ് പുറത്തിറങ്ങിയിരിക്കുന്നത്. ഈ സാഹചര്യത്തില്‍ സിജെപിയുടെ തുടര്‍ നീക്കങ്ങള്‍ നിര്‍ണയാകമാണ്. ജന്തര്‍ മന്തറല്ലാതെ മറ്റൊരു വേദി കണ്ടെത്തി സിജെപി പ്രതിഷേധം തുടരുമോ എന്നതാണ് ആകാംഷ. എന്തായാലും തുടര്‍ സമരങ്ങള്‍ സംബന്ധിച്ച് കൂടിയാലോചനകള്‍ തുടരുകയാണെന്നാണ് സിജെപി നേതാക്കള്‍ പറയുന്നത്.
അതിനിടെ, പ്രതിഷേത്തിനിടെ അറസ്റ്റിലായ ഐസ പ്രസിഡന്റ് നേഹ ബോറ പീസ് ബോണ്ട് ഒപ്പിടണമെന്ന് നിര്‍ദേശിച്ച് സ്‌പെഷല്‍ എക്‌സിക്യുട്ടീവ് മജിസ്‌ട്രേറ്റ് നോട്ടീസയച്ചിരുന്നു. എന്നാല്‍ ഇതിന് വിസമ്മതിച്ച നേഹ നോട്ടീസിനെതിരെ ഹൈക്കോടതിയെ സമീപിച്ചു. ഇതില്‍ ഇന്നലെ വാദം നടന്നിരുന്നില്ല. ഇന്നാണ് കോടതി നേഹയുടെ ഹര്‍ജി പരി?ഗണിക്കുന്നത്, കോടതി ഇതില്‍ എടുക്കുന്ന നിലപാടും നിര്‍ണായകമാണ്. സിജെപി നേതാക്കളെ പോലെ കോടതി നിര്‍ദേശത്തിന് ഫയര്‍ബ്രാന്‍ഡ് ലീഡറായ നേഹ വഴങ്ങുമോ എന്നതാണ് ചോദ്യം.
Related Posts
ഡിഎംകെ നേതാവ് അന്‍പില്‍ മഹേഷിനെ അറസ്റ്റ് ചെയ്ത് ചെന്നൈ പൊലീസ്; 100 കോടിയുടെ കോഴക്കേസില്‍ അറസ്റ്റ്
KCN CHANNEL