ടൈഗര്‍ ഷ്‌റോഫിനെതിരായ വധശ്രമ കേസ്; ആക്രമണത്തിന് സാമ്പത്തിക സഹായം നല്‍കി, ഒരാള്‍ കൂടി പിടിയില്‍
മുംബൈ: ടൈഗര്‍ ഷ്‌റോഫിനെതിരായ വധശ്രമ കേസില്‍ ഒരാള്‍ കൂടി പിടിയില്‍. ആക്രമണത്തിന് സാമ്പത്തിക സഹായം നല്‍കിയ പ്രതിയെ ആണ് മധ്യപ്രദേശിലെ ഇന്‍ഡോറില്‍ നിന്ന് പിടികൂടിയത്. കുപ്രസിദ്ധ ഗുണ്ടാത്തലവന്‍ ഹിമാന്‍ഷു ഭാവുവും സംഘാംഗമായ നീരജ് ഫരീദ്പുരിയയും അമേരിക്കയില്‍ അറസ്റ്റിലായി.
ടൈഗര്‍ ഷ്‌റോഫിനെ ആക്രമിക്കാന്‍ സാമ്പത്തിക സഹായമുള്‍പ്പടെ നല്‍കിയ പ്രതിയാണ് ഇന്‍ഡോറില്‍ നിന്ന് പിടിയിലായത്. ഇതോടെ കേസില്‍ പിടിയിലായവരുടെ എണ്ണം 11 ആയി. 2022 ല്‍ നടന്നൊരു സിനിമാ പ്രമോഷനിടെ സല്‍മാന്‍ ഖാനെ പുകഴ്ത്തിയതോടെയാണ് ടൈഗറിനെയും ലക്ഷ്യമിട്ടതെന്നാണ് പ്രതികളുടെ മൊഴി. ബോളിവുഡിലെ യഥാര്‍ത്ഥ ടൈഗര്‍ സല്‍മാന്‍ ഖാനെന്നായിരുന്നു ടൈഗര്‍ ഷ്‌റോഫിന്റെ പരാമര്‍ശം. തനിക്ക് ശത്രുക്കളാരുമില്ലെന്നും ആക്രമണത്തിന്റെ ഞെട്ടല്‍ വിട്ടുമാറിയിട്ടില്ലെന്നും ടൈഗര്‍ ഷ്‌റോഫ് പറഞ്ഞു. നടന്‍ മാനസികമായി തയ്യാറായാല്‍ മൊഴിയെടുക്കാനാണ് പൊലീസ് നീക്കം.
ആക്രമണത്തിന് മുന്‍പും ശേഷവും പ്രതികള്‍ ഇന്റര്‍നെറ്റ് കോളും സിഗ്‌നല്‍ ആപ്പും ഉപയോഗിച്ചു. പൊലീസിന്റെ നീക്കങ്ങളും വാര്‍ത്തകളും ഒരാള്‍ നിരന്തരം പ്രതികളെ അറിയിച്ചു. യാത്രയും റൂട്ട്മാപ്പും തീരുമാനിച്ചത് ഈ നിര്‍ദേശ പ്രകാരമെന്നാണ് കണ്ടെത്തല്‍. ഇതിനിടെ കുപ്രസിദ്ധ ഗുണ്ടാത്തലവന്‍ ഹിമാന്‍ഷു ഭാവുവും നീരജ് ഫരീദ്പുരിയയും യുഎസിലെ ലാസ് വെഗാസില്‍ വച്ച് പിടിയിലായി. ഹരിയാന ഡല്‍ഹി – പൊലീസിന്റെ പിടികിട്ടാപുള്ളി പട്ടികയിലുള്ള ഹിമാന്‍ഷു ലോറന്‍സ് ബിഷ്‌ണോയി ഗ്യാങിന്റെ എതിരാളിയാണ്. പ്രതികളെ ഇന്ത്യയിലെത്തിക്കാനുളള നീക്കം തുടങ്ങി.
Related Posts
ഹര്‍ജിയില്‍ വാദം പൂര്‍ത്തിയാകുന്നതുവരെ ഇന്ത്യയില്‍ തുടരാം; നടന്‍ ഇമ്രാന്‍ ഖാന് താത്കാലിക ആശ്വാസം
KCN CHANNEL
മദ്യപിച്ച് അലക്ഷ്യമായി കാറോടിച്ച് അപകടമുണ്ടാക്കിയ എക്‌സൈസ് ഉദ്യോഗസ്ഥന് സസ്‌പെന്‍ഷന്‍
KCN CHANNEL