ചെറുവത്തൂര്‍: പ്രകൃതിദുരന്തത്തിന്റെ ഏറ്റവും വലിയ വേദനയും കണ്ണീരുമാണ് വയനാട്ടില്‍ നാം കണ്ടതെന്നും ഇതുവരെയും കാണാത്ത മഹാ ദുരന്തത്തിനാണ് കേരളം സാക്ഷ്യം വഹിച്ചതെന്നും അതുകൊണ്ടുതന്നെ കേരളത്തോട് കാണിക്കുന്ന അവഗണന വയനാടിന്റെ കാര്യത്തില്‍ സംഭവിക്കരുതെന്നും ഒരു സമഗ്ര പാക്കേജ് വയനാടിനായി പ്രഖ്യാപിക്കാന്‍ കേന്ദ്രസര്‍ക്കാര്‍ മുന്നോട്ട് വരണെമെന്ന് ചെറുവത്തൂര്‍ എന്‍.പി കോംപ്ലക്‌സില്‍ ചേര്‍ന്ന കോണ്‍ഗ്രസ്(എസ്) കാസര്‍കോട് ജില്ലാ പ്രവര്‍ത്തക കണ്‍വെന്‍ഷന്‍ ആവശ്യപ്പെട്ടു.
കോണ്‍ഗ്രസ്(എസ്) കാസര്‍ഗോഡ് ജില്ലാ പ്രസിഡണ്ട് ടി.വി.വിജയന്‍ മാസ്റ്റര്‍ അധ്യക്ഷത വഹിച്ച കണ്‍വെന്‍ഷന്‍ മുന്‍ മലബാര്‍ ദേവസ്വം ബോര്‍ഡ് മെമ്പര്‍ കൈപ്രത്ത് കൃഷ്ണന്‍ നമ്പ്യാര്‍ ഉദ്ഘാടനം ചെയ്തു. പി.വി ഗോവിന്ദന്‍, ലക്ഷ്മണ ഭട്ട്, ഇ.നാരായണന്‍, കെ.വി. പുരുഷോത്തമന്‍, പ്രമോദ് കരുവളം, കെ.ജനാര്‍ദ്ദനന്‍, ജയചന്ദ്രന്‍, രാഘവന്‍ കൂലേരി, ഹസൈനാര്‍ നുള്ളിപ്പാടി,ജോര്‍ജുകുട്ടി തോമസ്, ബിജു വരാച്ചേരി,ടി.വി ഗംഗാധരന്‍,ടി. ശ്രീധരന്‍, പി.കെ. മദന മോഹനന്‍, രാജു.ടി.വി,കെ.വി.കുഞ്ഞിക്കണ്ണന്‍, കെ.എം അഗസ്റ്റിന്‍ തുടങ്ങുന്നവര്‍ പ്രസംഗിച്ചു.
കേന്ദ്രസര്‍ക്കാര്‍ വയനാടിനായി പ്രത്യേക പാക്കേജ് പ്രഖ്യാപിക്കണം: കോണ്‍ഗ്രസ്(എസ്)
75
