കാസര്ഗോഡ് ജില്ലാ പട്ടികവര്ഗ്ഗ വികസന വകുപ്പിന് കീഴില് പട്ടികവര്ഗ്ഗ വികസന പ്രവര്ത്തനങ്ങള് കാര്യക്ഷമമാക്കുന്നതിനും പട്ടികവര്ഗ്ഗക്കാര്ക്ക് ആനുകൂല്യങ്ങള് യഥാസമയം ലഭിക്കുന്നുണ്ടെന്ന് ഉറപ്പുവരുത്തുന്നതിനും ഫീല്ഡ് തലത്തില് കമ്മിറ്റഡ് സോഷ്യല് വര്ക്കര്മാരുടെ രണ്ട് ഒഴിവുകളിലേക്ക് കരാറടിസ്ഥാനത്തില് അപേക്ഷ ക്ഷണിച്ചു. വനത്തിനുള്ളിലെ ഉന്നതികളില് യാത്ര ചെയ്യുന്നതിന് സന്നദ്ധതയുള്ളവര്ക്ക് അപേക്ഷിക്കാം. യോഗ്യത എം.എസ്.ഡബ്ല്യു അല്ലെങ്കില് സോഷ്യോളജിയിലോ ആന്ത്രപ്പോളജിയിലോ ഉള്ള എം.എ.
Also read: യോഗ പഠിക്കണോ? സര്ട്ടിഫിക്കറ്റ് പ്രോഗ്രാമിലേക്ക് ഇപ്പോള് അപേക്ഷിക്കാം
പട്ടികവര്ഗ്ഗ വികസന വകുപ്പ് നടത്തുന്ന കൂടിക്കാഴ്ചയുടെ അടിസ്ഥാനത്തില് ആയിരിക്കും അന്തിമ റാങ്ക് പട്ടിക പ്രസിദ്ധീകരിക്കുക. അപേക്ഷ, നിശ്ചിത വിദ്യാഭ്യാസ യോഗ്യത തെളിയിക്കുന്ന സ്വയം സാക്ഷ്യപ്പെടുത്തിയ സര്ട്ടിഫിക്കറ്റുകളുടെ പകര്പ്പ് എന്നിവ സഹിതം ഫെബ്രുവരി പത്തിനകം പരപ്പ ട്രൈബല് ഡെവലപ്മെന്റ് ഓഫീസിലോ ഭീമനടി, പനത്തടി ട്രൈബല് എക്സ്റ്റന്ഷന് ഓഫീസിലോ നല്കേണ്ടതാണ്. അപേക്ഷാ ഫോമുകള് അതാത് ട്രൈബല് എക്സ്റ്റന്ഷന് ഓഫീസിലും പരപ്പ ട്രൈബല് ഡെവലപ്മെന്റ് ഓഫീസിലും ലഭ്യമാണ്. ഫോണ്- 0467 2960111.
എം എസ് ഡബ്ല്യു ഉണ്ടോ? സോഷ്യല് വര്ക്കര് ആകാന് അവസരം
