കുമ്പള.കേരള ഹോട്ടല് & റസ്റ്റോറന്റ് അസോസിയേഷന് സംസ്ഥാന ഭാരവാഹികള്ക്ക് കാസര്ഗോഡ് ജില്ലാ കമ്മിറ്റിയുടെ നേതൃത്വത്തില് കുമ്പളയില് ഗംഭീര സ്വീകരണം നല്കി. ഭാരവാഹികളെ ആനയിച്ച് കുമ്പള ടൗണില് പ്രകടനവും നടന്നു.സ്ത്രീകളടക്കം നൂറുകണക്കിന് വ്യാപാരികള് സംബന്ധിച്ചു.
വൈകുന്നേരം’റോയല് ക്യൂബ റസ്റ്റോറന്റ് ഓഡിറ്റോറിയത്തില്” വെച്ച് നടന്ന ചടങ്ങ് സംസ്ഥാന പ്രസിഡണ്ട് ജി ജയപാല് ഉദ്ഘാടനം ചെയ്തു.ജില്ലാ പ്രസിഡണ്ട് രഘുപീര് പൈ അധ്യക്ഷത വഹിച്ചു.ജില്ലാ സെക്രട്ടറി ബിജു ചുള്ളിക്കര സ്വാഗതം പറഞ്ഞു. സംസ്ഥാന ജനറല് സെക്രട്ടറി എന് അബ്ദുറസ്സാഖ് മുഖ്യപ്രഭാഷണം നടത്തി. സംഘടനയുടെ കുടുംബ സുരക്ഷാ പദ്ധതി പ്രകാരം മരണമടഞ്ഞ കുടുംബത്തിനുള്ള ധനസഹായ വിതരണം കുമ്പള പോലീസ് ഇന്സ്പെക്ടര് മുകുന്ദന് ടി കെ വിതരണം ചെയ്തു.സംസ്ഥാന ട്രഷറര് ബിജുലാല് സംഘടനാ സന്ദേശം നല്കി. രക്ഷാധികാരികളായ സുധീഷ് കുമാര്, ബാലകൃഷ്ണ പൊതുവാള്,സംസ്ഥാന വര്ക്കിംഗ് പ്രസിഡണ്ടുമാരായ എന് സുഗുണന്,അസീസ് മൂസ,സംസ്ഥാന വൈസ് പ്രസിഡണ്ട് അച്യുതന്,വനിതാ വിംഗ് സംസ്ഥാന ജനറല് സെക്രട്ടറി മായാ സുനില്,ട്രഷറര് റഹ്മത്ത് ബാബു,സെക്രട്ടറി നാരായണ പൂജാരി എന്നിവര് ആശംസകള് നേരുന്നു.
വിഭവ സമൃദ്ധമായ ഭക്ഷണത്തിന് ശേഷം ജില്ലാ വനിതാ വിങ്ങിന് രൂപം നല്കി.സംസ്ഥാന പ്രസിഡണ്ട് ആശാ ലില്ലി തോമസ് നേതൃത്വം നല്കി.
ഫോട്ടോ:കേരള ഹോട്ടല് & റസ്റ്റോറന്റ് അസോസിയേഷന് സംസ്ഥാന ഭാരവാഹികള്ക്ക് കുമ്പളയില് നല്കിയ സ്വീകരണ പരിപാടി സംസ്ഥാന പ്രസിഡണ്ട് ജി ജയപാല് ഉദ്ഘാടനം ചെയ്യുന്നു.
ഫോട്ടോ:സംസ്ഥാന ഭാരവാഹികളെ ആനയിച്ച് കുമ്പള ടൗണില് നടന്ന പ്രകടനം.
