മൊഗ്രാല്. ഫുട്ബോളിന്റെയും മാപ്പിളപ്പാട്ടിന്റെയും നാട്ടില് നിന്ന് കേരള ടീമിലൂടെ സന്തോഷ് ട്രോഫിയില് കളിക്കാന് അവസരം ലഭിച്ച മൊഗ്രാല്സ് സ്പോര്ട്സ് ക്ലബ് താരം അബൂബക്കര് ദില്ഷാദിന് മൊഗ്രാല് പ്രഭാത വ്യായാമ കൂട്ടായ്മയായ മെക് 7 ‘സ്നേഹാദരവ്” നല്കി അനുമോദിച്ചു.
ചടങ്ങില് ദില്ഷാദിനെ മെക് 7 ന് വേണ്ടി കുമ്പള ഗ്രാമപഞ്ചായത്ത് പ്രസിഡണ്ട് വി പി അബ്ദുല് ഖാദര് ഹാജി ഷാള് അണിയിച്ച് മെമെന്റോ നല്കി അനുമോദിച്ചു. ചടങ്ങില് സംസ്ഥാന ഗുസ്തി മത്സരത്തില് സ്വര്ണം മെഡല് നേടിയ മുഹമ്മദ് യാക്കോബിനും സ്നേഹാദരവ് നല്കി.ചടങ്ങില് മെക് 7 ജില്ലാ കോഡിനേറ്റര് എം മാഹിന് മാസ്റ്റര് സ്വാഗതം പറഞ്ഞു. കുമ്പള മേഖലാ കോഡിനേറ്റര് സത്താര് ആരിക്കാടി,ഏരിയാ കോഡിനേറ്റര് ടി കെ ജാഫര്,മൊഗ്രാല് മേഖലാ കോഡിനേറ്റര് റിയാസ് കരീം,ടി കെ അന്വര്,മുഹമ്മദ് കുഞ്ഞി മൈമൂന് നഗര്,എം എ ആരിഫ്,എം എ മൂസ,ട്രെയിനര് എം എ അബൂബക്കര് സിദ്ദീഖ്,മുഹമ്മദ് അബ്ക്കോ,അനീസ് കോട്ട,അബ്ദുല് ഖാദര് മാഷ് എന്നിവര് പ്രസംഗിച്ചു. സ്വീകരണത്തിന് അബൂബക്കര് ദില്ഷാദ് നന്ദി പറഞ്ഞു.
ഫോട്ടോ:മൊഗ്രാല് മെക് 7 സന്തോഷ് ട്രോഫി താരം അബൂബക്കര് ദില്ഷാദിന് നല്കിയ സ്വീകരണ പരിപാടിയില് കുമ്പള ഗ്രാമപഞ്ചായത്ത് പ്രസിഡണ്ട് വി പി അബ്ദുല്ഖാദര് ഹാജി ഷാള് അണിയിച്ച് മെമെന്റോ നല്കി അനുമോദിക്കുന്നു.
