മൊഗ്രാല്.ജില്ലയില് ഉടനീളം നടന്ന വരുന്ന പ്രാദേശിക സായാഹ്ന സെവന്സ് ഫുട്ബോള് ടൂര്ണമെന്റുകള് ശ്രദ്ധേയമാകുന്നു. ടൂര്ണമെന്റുകള് കൊണ്ട് സംഘാടകര് ലക്ഷ്യം വെക്കുന്നത് കഴിവുള്ള താരങ്ങളെ കണ്ടെത്തി അവര്ക്ക് വേണ്ടുന്ന പ്രോത്സാഹനം നല്കി ഒപ്പം നിര്ത്തുക എന്നതാണ്.
പലപ്പോഴും നാട്ടിന്പുറങ്ങളിലെ പ്രാദേശിക ടീമുകളിലെ നല്ല കളിക്കാരെ അവഗണിക്കുന്നതാണ് മെഗാ ടൂര്ണമെന്റുകളില് കാണാന് കഴിയുന്നത്. ലക്ഷങ്ങള് ചിലവഴിച്ച് വിദേശ താരങ്ങളെ ഇറക്കിയും,വമ്പന് സംസ്ഥാനങ്ങളിലെ താരങ്ങളെ കൊണ്ടുവന്നും നടത്തുന്ന ഇത്തരം ടൂര്ണമെന്റ്കളില് കളി ആസ്വദിക്കാനല്ലാതെ വളര്ന്നുവരുന്ന നാട്ടിന്പുറങ്ങളിലെ താരങ്ങള്ക്കോ, നാട്ടുകാര്ക്കോ പ്രയോജനം ഉണ്ടാകാറില്ല.ഇതില് നിന്നൊക്കെ വ്യത്യസ്തവും, മാറ്റവുമാണ് പ്രാദേശിക സെവന്സ് ഫുട്ബോള് ടൂര്ണമെന്റുകള് ശ്രദ്ധേയമാവുന്നത്. ഒട്ടനവധി താരങ്ങളെയാണ് പ്രാദേശിക ക്ലബ്ബുകള് ഇതുവഴി കണ്ടെത്തുന്നതും.
മൊഗ്രാലില് മൊഗ്രാല് ഗ്രീന് സ്റ്റാര് ആര്ട്സ് & സ്പോര്ട്സ് ക്ലബ് സംഘടിപ്പിച്ച വരുന്ന അണ്ടര്-20 സായാഹ്ന സെവന്സ് ഫുട്ബോള് ടൂര്ണ്ണമെന്റ് ജനപങ്കാളിത്തം കൊണ്ടും,ഫുട്ബോള് പ്രേമികളുടെ പിന്തുണ കൊണ്ടും ശ്രദ്ധേയമാവുന്നതും ഇത് കൊണ്ടുതന്നെയാണ്. ടൂര്ണമെന്റില് മത്സരിച്ച പത്തോളം ടീമുകളില് നിന്ന് പത്തോളം യുവ പ്രതിഭകളെ കണ്ടെത്താന് ഇതുവഴി ക്ലബിന് സാധിച്ചു. ഇവര്ക്ക് വേണ്ടുന്ന പ്രോത്സാഹനവും പിന്തുണയും നല്കാനായാല് ശക്തമായ ഒരു ടീമിനെ മൊഗ്രാലില് നിന്ന് മുന്നിരയിലെ ത്തിക്കാന് സാധിക്കുമെന്ന് ഗ്രീന് സ്റ്റാര് ക്ലബ്ബ് വിലയിരുത്തുന്നുണ്ട്. കളിയുടെ ഓരോ ദിവസവും മികച്ച കളിക്കാരെ കണ്ടെത്തി അവരെ അനുമോദിക്കുന്നത് വലിയ പ്രചോദനവും, ആവേശവുമാകുന്നുണ്ട്.
മൊഗ്രാല് ഫുട്ബോളിന്റെ പഴയകാല പ്രതാപം വീണ്ടെടുക്കുക എന്നതാണ് നല്ല താരങ്ങളെ കണ്ടെത്തി പ്രാദേശിക ടൂര്ണമെന്റ്കളിലൂടെ ഗ്രീന് സ്റ്റാര് ക്ലബ് ലക്ഷ്യമിടുന്നത്.ഇത്തരം ഫുട്ബോള് ടൂര്ണമെന്റിലൂടെ സന്തോഷ് ട്രോഫി താരം അബൂബക്കര് ദില്ഷാദിനെ മാതൃകയാക്കാന് തങ്ങള്ക്ക് കഴിയുമെന്ന വിശ്വാസം നല്ല കളിക്കാരായി തിരഞ്ഞെടുക്കപ്പെട്ട യുവ പ്രതിഭകള്ക്കുമു ണ്ട്.ഇതുവഴി നാട്ടിലെത്തന്നെ നല്ല കളിക്കാരെ കണ്ടെത്താന് ടൂര്ണമെന്റ് ഉപകരിച്ചതിലുള്ള സംതൃപ്തി മൊഗ്രാലിലെ ഫുട്ബോള് ആരാധകര്ക്കുമുണ്ട്.
ഫോട്ടോ:മൊഗ്രാലില് ഗ്രീന് സ്റ്റാര് സംഘടിപ്പിച്ചുവരുന്ന ഫുട്ബോള് ടൂര്ണമെന്റില് മികച്ച കളിക്കാരായി തെരഞ്ഞെടുക്കപ്പെട്ട യുവ പ്രതിഭകള്.
