നീലേശ്വരം : ആയുഷ് വകുപ്പും നാഷണല് ആയുഷ് മിഷനും
സംയുക്തമായി നടത്തുന്ന ആരോഗ്യം ആനന്ദം ഹെല്ത്തി കേരള കാംപെയ്ന് കാഞ്ഞങ്ങാട് നിയോജക മണ്ഡലത്തിലെ പരിപാടികളുടെ ഉദ്ഘാടനം പടന്നക്കാട് ജില്ലാ ആയുര്വേദ ആസ്പത്രിയില് നടന്നു. ഇ. ചന്ദ്രശേഖരന് എം.എല്.എ. ഉദ്ഘാടനംചെയ്തു. ജില്ലയില് പര്യടനംനടത്തുന്ന ആരോഗ്യ വണ്ടിക്ക് സ്വീകരണം നല്കി. പൊതുജനങ്ങളും ആയുഷ് ആരോഗ്യ പ്രവര്ത്തകരും പങ്കെടുത്ത വാക്കത്തണ് ജില്ലാ പഞ്ചായത്ത് പ്രസിഡന്റ് സാബു എബ്രഹാം ഫ്ലാഗ് ഓഫ് ചെയ്തു. കാഞ്ഞങ്ങാട് മുനിസിപ്പാലിറ്റി വാര്ഡ് കൗണ്സിലര് കെ. ജിഷ അധ്യക്ഷയായി. ജില്ലാ ആയുര്വേദ ആശുപത്രി സി.എം.ഒ. ഡോ. കെ. ബിന്ദു, നാഷണല് ആയുഷ് മിഷന് ഡി.പി.എം. ഡോ. നിഖില നാരായണന്, ഹോമിയോ നോഡല് ഓഫീസര് ഡോ. നിര്മല പ്രതാപ്, ജഹാര പടന്നക്കാട് സെക്രട്ടറി പി.കെ. കരുണാകരന്, ജൂപ്പിറ്റര് ക്ലബ് പ്രസിഡന്റ് പി.കെ. ചന്ദ്രശേഖരന്, ഹോമിയോ പ്രോഗ്രാം കണ്വീനര് ഡോ. ഷഫ്ന മൊയ്തു എന്നിവര് സംസാരിച്ചു. ജീവിതശൈലീരോഗ നിര്ണയ ക്യാമ്പും നേത്രപരിശോധനയും നടന്നു.
ഹെല്ത്തി കേരള കാംപെയ്ന്
