സ്വര്‍ണവില ഉയര്‍ന്നു

ആഭരണം വാങ്ങാന്‍ ശ്രമിക്കുന്നവരെ നിരാശപ്പെടുത്തി കേരളത്തില്‍ സ്വര്‍ണവില വീണ്ടും റെക്കോര്‍ഡ് ഉയരത്തില്‍. ഇന്ന് ഗ്രാമിന് 25 രൂപ വര്‍ധിച്ച് വില 7,120 രൂപയായി. 200 രൂപ ഉയര്‍ന്ന് 56,960 രൂപയാണ് പവന്‍ വില. രണ്ടും റെക്കോര്‍ഡ് വിലയാണ്. ഈ മാസം 4നും സംസ്ഥാനത്ത് സ്വര്‍ണവില ഇതേ ഉയരത്തില്‍ എത്തിയിരുന്നു. 57,000 രൂപയെന്ന ‘മാജിക്‌സംഖ്യ’ ചരിത്രത്തിലാദ്യമായി തൊടാന്‍ ഇനി പവന്‍ വിലയ്ക്ക് മുന്നില്‍ വെറും 40 രൂപയുടെ ദൂരം.