ഫോറസ്റ്റ് ഓഫീസറുടെ വാടകവീട്ടില് വന് കവര്ച്ച പത്തരലക്ഷം രൂപയും 22 പവന് സ്വര്ണ്ണാഭരണവും കവര്ച്ച ചെയ്തു
ഉള്ളാള്:
ഫോറസ്റ്റ് ഓഫീസറുടെ വാടകവീട്ടില് വന് പത്തരലക്ഷം രൂപയും 22 പവന് സ്വര്ണ്ണാഭരണവും കവര്ച്ച ചെയ്തു. ഫോറസ്റ്റ് ഓഫീസറായ മെഹബൂബ് സാബിന്റെ ഉള്ളാള്, കോട്ടേക്കാറിലുള്ള വാടക വീട്ടിലാണ് കവര്ച്ച. ഒരാഴ്ച മുമ്പ് ഇദ്ദേഹവും കുടുംബവും വീടു പൂട്ടി ബന്ധുവീട്ടിലേക്ക് പോയിരുന്നു. കഴിഞ്ഞ ദിവസം തിരിച്ചെത്തിയപ്പോഴാണ് കവര്ച്ച നടന്ന വിവരമറിഞ്ഞത്. മുറ്റത്തു വച്ചിരുന്ന ബൈക്ക് കാണാത്തതിനെ തുടര്ന്ന് നോക്കിയപ്പോള് വീടിന്റെ വാതില് കുത്തിത്തുറന്ന നിലയില് കണ്ടെത്തി. വീട്ടിനകത്തു കയറി നോക്കിയപ്പോഴാണ് അലമാരകളെല്ലാം കുത്തിത്തുറന്ന നിലയിലും തുണിത്തരങ്ങള് വാരി വലിച്ചിട്ട നിലയിലും കാണപ്പെട്ടത്. ഉടന് പൊലീസില് വിവരം അറിയിച്ചു. പൊലീസ് സ്ഥലത്തെത്തി അന്വേഷണം ആരംഭിച്ചു. വായ്പയെടുത്ത പണമാണ് നഷ്ടപ്പെട്ടതെന്നു പരാതിക്കാരനായ മെഹബൂബ് സാബ് പൊലീസിനു നല്കിയ പരാതിയില് പറഞ്ഞു.മെഹബൂബ് സാബുവും
കുടുംബവും വീട്ടില് ഇല്ലെന്നറിയാവുന്നവരാകാം കവര്ച്ചയ്ക്ക് പിന്നിലെന്ന് കരുതുന്നു.
