ഇന്ന് നടത്തിയ വാര്ത്ത സമ്മേളനത്തിലാണ് പ്രഖ്യാപനം
ആലപ്പുഴ: അമ്പലപ്പുഴയില് സ്വതന്ത്ര സ്ഥാനാര്ത്ഥിയായി മത്സരിക്കുമെന്ന് മുതിര്ന്ന സിപിഎം നേതാവ് ജി സുധാകരന്. ഇന്ന് പതിനൊന്ന് മണിക്ക് വിളിച്ചു ചേര്ന്ന വാര്ത്താ സമ്മേളനത്തിലാണ് ജി സുധാകരന്റെ നിര്ണായക പ്രഖ്യാപനം. തന്നെക്കുറിച്ച് വിവിധ വാര്ത്തകള് പുറത്തുവരുന്നുവെന്നും താന് മത്സരിക്കുമെന്ന കാര്യം ആരോടും പറഞ്ഞിട്ടില്ലെന്നും ജി സുധാകരന് പറഞ്ഞു. ഒരു പ്രതിപക്ഷ പാര്ട്ടിയുമായും സംസാരിച്ചിട്ടില്ല. യുഡിഎഫ് സ്ഥാനാര്ത്ഥിയാകുന്നുവെന്നും ആരോടും പറഞ്ഞിട്ടില്ല. എംഎ ബേബി ഇന്നലെ വീട്ടിലെത്തി കണ്ടിരുന്നുവെന്നും ഇപ്പോള് നടക്കുന്നതെല്ലാം വെറും പ്രചാരണങ്ങള് മാത്രമാണെന്നും ജി സുധാകരന് വാര്ത്താ സമ്മേളനത്തില് വ്യക്തമാക്കി. രാഷ്ട്രീയ പ്രവര്ത്തന പാരമ്പര്യം മാധ്യമങ്ങളോട് വിശദീകരിച്ച ജി സുധാകരന് ആരും നിര്ബന്ധിച്ചിട്ടല്ല താന് പാര്ട്ടിയില് ചേര്ന്നതെന്നും കൂട്ടിച്ചേര്ത്തു. ഹൈസ്കൂള് കാലത്താണ് പാര്ട്ടിയില് ചേര്ന്നത്.
മൂന്ന് ആഴ്ച മുന്പ് മെമ്പര്ഷിപ് പുതുക്കാന് ആളുവന്നു. പുതുക്കിയില്ല, അത് വാര്ത്തയായി, ഒരു ജില്ലാ കമ്മിറ്റി അംഗമാണ് ചോര്ത്തിയത്. പാര്ട്ടി ആശയങ്ങളും ആദര്ശങ്ങളും ഉപേക്ഷിച്ചില്ല. പാര്ട്ടി ജീവിതം നയിക്കുന്ന തന്നെ വ്യക്തിഹത്യ ചെയ്തു. തന്റെ അച്ഛന് വരെ ചില പാര്ട്ടി അംഗങ്ങള് പറഞ്ഞു. മര്ദനങ്ങള് ഏറ്റുവാങ്ങിയാണ് പാര്ട്ടി പ്രവര്ത്തനം നടത്തിയത്. സജി ചെറിയാനെതിരെയും ജി സുധാകരന് വിമര്ശനമുന്നയിച്ചു. ഭരണഘടനയെ കുന്തം, കുടചക്രം എന്നൊന്നും താന് പറയില്ല. യഥാര്ത്ഥ പാര്ട്ടി രീതി പറഞ്ഞുകൊണ്ടേയിരിക്കും. സ്ഥാനത്ത് എത്രകാലം ഇരുന്നു എന്നല്ല, എന്ത് ചെയ്തു എന്ന് നോക്കണം.
