ആലപ്പുഴ: മാതാപിതാക്കള്ക്കൊപ്പം ഹൗസ്ബോട്ട് യാത്രയ്ക്കെത്തിയ മഹാരാഷ്ട്ര സ്വദേശിയായ രണ്ടു വയസുകാരി ആറ്റില് വീണു മരിച്ചു. കല്യാണിലെ ഫ്ളാറ്റ് നമ്പര് ബി/602ല് ശിവപ്രസാദ് ഷെട്ടിയുടെ മകള് അന്വിത ഷെട്ടിയാണ് മരിച്ചത്. ചൊവ്വാഴ്ച വൈകുന്നേരത്തോടെ നിര്മാണത്തിലിരിക്കുന്ന കൈനകരി മുണ്ടയ്ക്കല് പാലത്തിനു കിഴക്കുഭാഗത്തായിരുന്നു അപകടം.
അപകടത്തെപ്പറ്റി പോലീസ് പറയുന്നതിങ്ങനെ: രാത്രികാല സൗന്ദര്യമാസ്വദിക്കുന്നതിനായി മുണ്ടയ്ക്കല് പാലത്തിനു സമീപം പകല്യാത്ര അവസാനിപ്പിച്ച ഹൗസ്ബോട്ട് കരയില് നങ്കൂരമിട്ടു. തുടര്ന്നു മാതാപിതാക്കളോടൊപ്പം ഹൗസ്ബോട്ടിന്റെ മുന്വശത്തെ തട്ടിലിരുന്ന് കളിക്കുന്നതിനിടെ കുട്ടി നദിയിലേക്ക് വീഴുകയായിരുന്നു. തുടര്ന്ന് ശിവപ്രസാദും ഹൗസ്ബോട്ടിലെ ജീവനക്കാരും ആറ്റിലേക്കു ചാടി കുട്ടിയെ രക്ഷിക്കാന് ശ്രമം നടത്തിയെങ്കിലും ഫലം കണ്ടില്ല.
മാതാപിതാക്കളുടെ നിലവിളി കേട്ടു ഓടിക്കൂടിയ നാട്ടുകാര് നടത്തിയ തെരച്ചിലിനൊടുവിലാണ് വെള്ളത്തിനടിയില്നിന്നും കുട്ടിയെ കരയ്ക്കെടുത്തത്. തുടര്ന്ന് കുട്ടിയെ കൈനകരിയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഐടി ഉദ്യോഗസ്ഥനായ ശിവപ്രസാദും കുടുംബവും ഉച്ചയോടെയാണ് പള്ളാത്തുരുത്തിയില്നിന്നും ഹൗസ്ബോട്ട് യാത്ര ആരംഭിച്ചത്.
more recommended stories
-
ജില്ലയില് സമ്മര് ചില് ക്യാമ്പിന് തുടക്കമായി
കാസര്കോട്: മഴവില് കുട്ടികളുടെ സമ്മര് ചില്.
-
കോണ്ഗ്രസിനൊപ്പം ചേര്ന്ന് പഞ്ചായത്ത് പ്രസിഡന്റിനെതിരെ അവിശ്വാസം, 3 സിപിഎം അംഗങ്ങളോട് വിശദീകരണം തേടി
ആലപ്പുഴ: കുട്ടനാട്ടില് സിപിഎമ്മില് തര്ക്കം രൂക്ഷം..
-
സ്കൂളുകള് ജൂണ് 3ന് തുറക്കും; മുന്നൊരുക്കം സമയബന്ധിതമായി പൂര്ത്തീകരിക്കാന് മുഖ്യമന്ത്രിയുടെ നിര്ദേശം
തിരുവനന്തപുരം: അടുത്ത അധ്യയന വര്ഷം സ്കൂള്.
-
സംസ്ഥാനത്ത് ഉയര്ന്ന ചൂട് റിപ്പോര്ട്ട് ചെയ്യപ്പെടുന്നു
സംസ്ഥാനത്ത് ഉയര്ന്ന ചൂട് റിപ്പോര്ട്ട് ചെയ്യപ്പെടുന്ന സാഹചര്യത്തില്.
Leave a Comment