7 വര്ഷങ്ങള്ക്ക് ശേഷം മലയാള സിനിമയിലേക്ക് മടങ്ങിയെത്തുകയാണ് തെന്നിന്ത്യയിലെ ആക്ഷന് റാണി വാണി വിശ്വനാഥ്.ഭര്ത്താവും നടനുമായ ബാബുരാജിന്റെ നായികയായി തന്നെയാണ് മടങ്ങിയെത്തുന്നതാണ് പ്രത്യേകത. ഇരുവരും ഒന്നിക്കുന്ന സിനിമയുടെ ടൈറ്റില് ലോഞ്ച് തിരുവനന്തപുരത്തുവച്ച് നടന്നു. ‘ദി ക്രിമിനല് ലോയര്’ എന്നാണ് സിനിമയ്ക്ക് പേരിട്ടിരിക്കുന്നത്. െ്രെകം ത്രില്ലറായാണ് ചിത്രമൊരുങ്ങുന്നത്.
നവാഗതനായ ജിതിന് ജിത്തു സംവിധാനം ചെയ്യുന്ന സിനിമയ്ക്ക് തിരക്കഥയൊരുക്കുന്നത് ഉമേഷ് എസ്. മോഹന്. തേര്ഡ് ഐ മീഡിയ മേക്കേഴ്സിന്റെ ബാനറിലാണ് ചിത്രമൊരുങ്ങുന്നത്. സിനിമാ ലോകത്തെ നിരവധി പ്രമുഖര് ഇരുവരും പ്രധാന വേഷത്തിലെത്തുന്ന ചിത്രത്തിന് ആശംസ നേരാനായി എത്തിയിരുന്നു.
‘വീണ്ടും മലയാളിപ്രേക്ഷകരെ കാണാന് പോകുന്നു എന്നതില് സന്തോഷം. ആ തിരിച്ചുവരവ് നല്ലൊരു കഥാപാത്രത്തിലൂടെയാണെന്നതും കൂടുതല് സന്തോഷം. ഇങ്ങനെയൊരു കഥാപാത്രത്തിനു വേണ്ടി വാണി ചേച്ചികാത്തിരിക്കുകയായിരുന്നോ എന്ന് എല്ലാവരും ചോദിച്ചിരുന്നു. അങ്ങനെയല്ല. എന്റെതായ ചില കാര്യങ്ങള്ക്കുവേണ്ടി സിനിമ മാറ്റിവച്ചു എന്നു മാത്രം. തിരിച്ചുവന്നപ്പോള് അതൊരു നല്ല കഥാപാത്രത്തിലൂടെയാകുന്നത് നിമിത്തം മാത്രം’.വാണി വിശ്വനാഥ് പറയുന്നു.
‘ത്രില്ലര്െ്രെകം സിനിമകളുടെ ആരാധികയാണ് ഞാന്. ഇങ്ങനെയൊരു ത്രെഡ് പറഞ്ഞപ്പോള് ഒരുപാട് ഇഷ്ടപ്പെട്ടു. എന്റെ കഥാപാത്രം പോലെ ബാബുവേട്ടന്റെയും (ബാബുരാജ്) നല്ലൊരു കഥാപാത്രമാണ്. സാള്ട് ആന്ഡ് പെപ്പര്, ജോജി എന്നീ സിനിമകളിലെ വേഷങ്ങള്പോലെ നിങ്ങള് ഇഷ്ടപ്പെടുന്നൊരു വേഷമാകും ഈ ചിത്രത്തിലേത്.’
‘മാന്നാര് മത്തായി സിനിമയ്ക്കു ശേഷം എനിക്ക് നിങ്ങള് തന്നെ പ്രോത്സാഹനവും പിന്തുണയും ചെറുതല്ല. അത് എന്നും ഉണ്ടാകണം. റിയലിസ്റ്റിക് സിനിമകള് മാത്രം കാണുന്ന മലയാളിപ്രേക്ഷകര്ക്കിടയില് റിയലിസ്റ്റിക് അല്ലാത്ത ചില കഥാപാത്രങ്ങള് ചെയ്ത കയ്യടി വാങ്ങിച്ച ആളാണ് ഞാന്. ആ എന്നെ ഇനിയും പിന്തുണയ്ക്കണം.’വാണി പറഞ്ഞു.
മലയാളം, തമിഴ്, തെലുങ്ക്, കന്നഡ ഭാഷകളിലായി നൂറോളം സിനിമകളില് അഭിനയിച്ചിട്ടുള്ള വാണിക്ക് സൂസന്ന (2000) എന്ന ചിത്രത്തിലെ അഭിനയത്തിന് മികച്ച രണ്ടാമത്തെ നടിക്കുള്ള കേരള സംസ്ഥാന ചലച്ചിത്ര പുരസ്കാരം ലഭിച്ചിട്ടുണ്ട്. ദി കിങ്, ഇന്ഡിപ്പെന്ഡന്സ്, മാന്നാര്മത്തായി സ്പീക്കിങ്ങ് തുടങ്ങിയ സിനിമകളിലെ വാണിയുടെ അഭിനയം ഏറെ ശ്രദ്ധ നേടിയിരുന്നു. 2002ലാണ് വാണി വിശ്വനാഥും ബാബുരാജും വിവാഹിതരാകുന്നത്. ആ!ര്ച്ച, അദ്രി എന്നിവരാണ് മക്കള്. 2017ല് നടി രാഷ്ട്രീയത്തില് സജീവമായി. മലയാളത്തില് 2014ല് പുറത്തിറങ്ങിയ മാന്നാര് മത്തായി 2വിലാണ് അവസാനം പ്രത്യക്ഷപ്പെട്ടത്.
more recommended stories
-
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച് വെബ് കാസ്റ്റിംഗ് കണ്ട്രോള് റൂം
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച്.
-
ഇ. പി ജയരാജന്-ജാവദേക്കര് കൂടികാഴ്ച: പ്രതികരിക്കാതെ യെച്ചൂരി, കേരളത്തിലെ നേതാക്കള് സംസാരിച്ചെന്ന് വിശദീകരണം
കേരളത്തിലെ പാര്ട്ടി നേതാക്കള് സംസാരിച്ചിട്ടുണ്ടെന്ന് യെച്ചുരി.
-
ഡല്ഹി കാപിറ്റല്സിനെതിരെ നിര്ണായക മത്സരത്തില് മുംബൈ ഇന്ത്യന്സിന് ടോസ്
ദില്ലി: ഐപിഎല്ലില് ഡല്ഹി കാപിറ്റല്സിനെതിരായ മത്സരത്തില്.
-
‘ആ ഉറപ്പ് പാലിച്ചു’; എസ്എംഎ രോഗികളായ 12 വയസ് വരെയുള്ള കുട്ടികള്ക്ക് സൗജന്യ മരുന്ന് വിതരണം, മാതൃകയായി കേരളം
തിരുവനന്തപുരം: അപൂര്വ രോഗമായ സ്പൈനല് മസ്കുലര് അട്രോഫി.