വെള്ളരിക്കുണ്ട്: ശക്തമായ മഴയില് ഉരുള്പൊട്ടലിന് സമാനമായ മണ്ണിടിച്ചില് ഉണ്ടായ മാലോം പുഞ്ചയില് 12 പേരടങ്ങുന്ന കുടുംബം രക്ഷപ്പെട്ടത് തലനാരിഴ വ്യത്യാസത്തില്. വെള്ളരിക്കുണ്ട് താലൂകിലെ ബളാല് പഞ്ചായതിലെ പുഞ്ചചെത്തിപ്പുഴ കോളനിയിലെ ചെറുവീട്ടില് കാവേരിയുടെ വീട്ടില് അപകടസമയത്ത് കുട്ടികള് ഉള്പെടെ 12 പേരായിരുന്നു ഉണ്ടായിരുന്നത്. നല്ല മഴയായതിനാല് എല്ലാവരും വീടിനുള്ളില് തന്നെയായിരുന്നു. കുട്ടികള് ഭക്ഷണം കഴിച്ചു കൊണ്ടിരിക്കെയാണ് വീടിന്റെ മുന് ഭാഗത്തുനിന്നും വലിയ ശബ്ദം കേട്ടത്. കാവേരിയും മകനും ഉടന് പുറത്തേക്ക് ഇറങ്ങാന് നോക്കിയപ്പോള് കണ്ടത് വീടിന്റെ വരാന്തവരെയുള്ള മുറ്റം ഒലിച്ചു പോയതായിരുന്നു. അടുക്കളഭാഗത്ത് കൂടി കാവേരിയും മക്കളും ഇറങ്ങി അടുത്ത വീട്ടിലേക്ക് ഓടി. ഒച്ചയും ബഹളവും കേട്ട് അടുത്ത വീട്ടിലുള്ളവരും എത്തി. കാവേരിയുടെ വീടിന്റെ വരാന്തയില് നിന്നും 500 മീറ്റര് അകലെ വരെ മണ്ണിടിച്ചില് ഉണ്ടായി. കവുങ്ങ് തെങ്ങ് റബര് മരങ്ങള് എന്നിവയും കടപുഴകി. ഒരുവര്ഷം മുന്പാണ് കാവേരി പുതിയ വീട് നിര്മിച്ചത്. ശക്തമായ തോതില് മണ്ണിടിഞ്ഞതോടെ കാവേരിയുടെ കുടുംബത്തിന് ഈ വീട് വാസവയോഗ്യമല്ലാതായിരിക്കുകയാണ്. ബന്ധു വീടുകളിലേക്കാണ് കാവേരിയുടെ കുടുംബത്തെ ഇപ്പോള് മാറ്റി പാര്പിച്ചിരിക്കുന്നത്. പരപ്പ ബ്ലോക് പഞ്ചായത് പ്രസിഡന്റ് എം ലക്ഷ്മി, ബളാല് പഞ്ചായത് സ്ഥിരം സമിതി അധ്യക്ഷന് അലക്സ് നെടിയകാലയില്, തഹസില്ദാര് പി വി മുരളി, വെള്ളരിക്കുണ്ട് എസ് ഐ ഹരികൃഷ്ണന്, രാഷ്ട്രീയ പാര്ടി പ്രതിനിധികള് എന്നിവര് സ്ഥലം സന്ദര്ശിച്ചു. വ്യാഴാഴ്ച ജില്ലയില് ഏറ്റവും കൂടുതല് മഴലഭിച്ചത് വെള്ളരിക്കുണ്ട് താലൂകിലാണ്.
more recommended stories
-
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച് വെബ് കാസ്റ്റിംഗ് കണ്ട്രോള് റൂം
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച്.
-
ഇ. പി ജയരാജന്-ജാവദേക്കര് കൂടികാഴ്ച: പ്രതികരിക്കാതെ യെച്ചൂരി, കേരളത്തിലെ നേതാക്കള് സംസാരിച്ചെന്ന് വിശദീകരണം
കേരളത്തിലെ പാര്ട്ടി നേതാക്കള് സംസാരിച്ചിട്ടുണ്ടെന്ന് യെച്ചുരി.
-
ഡല്ഹി കാപിറ്റല്സിനെതിരെ നിര്ണായക മത്സരത്തില് മുംബൈ ഇന്ത്യന്സിന് ടോസ്
ദില്ലി: ഐപിഎല്ലില് ഡല്ഹി കാപിറ്റല്സിനെതിരായ മത്സരത്തില്.
-
‘ആ ഉറപ്പ് പാലിച്ചു’; എസ്എംഎ രോഗികളായ 12 വയസ് വരെയുള്ള കുട്ടികള്ക്ക് സൗജന്യ മരുന്ന് വിതരണം, മാതൃകയായി കേരളം
തിരുവനന്തപുരം: അപൂര്വ രോഗമായ സ്പൈനല് മസ്കുലര് അട്രോഫി.