ന്യൂഡല്ഹി , ഇന്ത്യയില് നിരക്ഷരരായ യുവാക്കളെക്കാള് പലമടങ്ങ് തൊഴിലില്ലായ്മ അനുഭവിക്കുന്നത് ഉന്നത വിദ്യാഭ്യാസം നേടിയവരാണെന്ന ഞെട്ടിക്കുന്ന റിപ്പോര്ട്ട് പുറത്തുവിട്ട് ഇന്റര്നാഷനല് ലേബര് ഓര്ഗനൈസേഷന്. എഴുതാനോ വായിക്കാനോ അറിയാത്തവര്ക്കിടയില് 3.4 ശതമാനമാണ് തൊഴിലില്ലായ്മ. എന്നാല് ബിരുദധാരികളായവരുടെ;തൊഴിലില്ലായ്മാ നിരക്ക് 29.1 ശതമാനമാണെന്നു റിപ്പോര്ട്ടില് ചൂണ്ടിക്കാണിക്കുന്നു. സെക്കന്ഡറി തലം വരെ പഠിച്ചവര്ക്കിടയില് 18.4 ശതമാനമാണ് തൊഴിലില്ലായ്മ.
സെക്കന്ഡറി തലം വരെയോ അതിനു മുകളിലേക്കോ വിദ്യാഭ്യാസം നേടിയ ഇന്ത്യന് യുവാക്കള് കഠിനമായ തൊഴില്ക്ഷാമം അനുഭവിക്കുന്നുണ്ടെന്നും ഇതിന്റെ തോത് ഓരോ വര്ഷവും ഉയരുകയാണെന്നും ഐഎല്ഒ റിപ്പോര്ട്ടില് പറയുന്നു.;രാജ്യത്തെ തൊഴില് ശക്തിയുടെ നൈപുണ്യവും വിപണിയില് സൃഷ്ടിക്കപ്പെടുന്ന തൊഴില് അവസരവും തമ്മില് വലിയ അന്തരമുണ്ടെന്നും റിപ്പോര്ട്ടില് ചൂണ്ടിക്കാണിക്കുന്നു. ഇന്ത്യന് വിദ്യാഭ്യാസ രീതിക്കു നേരെ വിമര്ശനവുമായി റിസര്വ് ബാങ്ക് മുന് ഗവര്ണര് രഘുറാം രാജന് ഉള്പ്പെടെയുള്ളവര് രംഗത്തുവന്നിരുന്നു. ഇതിനു പിന്നാലെയാണ് ഐഎല്എയുടെ റിപ്പോര്ട്ട് പുറത്തുവന്നത്.
ആഗോള നിരക്കിനേക്കാള് ഉയരത്തിലാണ് ഇന്ത്യയിലെ തൊഴിലില്ലായ്മ. കാര്ഷികേതര മേഖലകളില് വിദ്യാസമ്പന്നരായ യുവാക്കള്ക്ക് മതിയായ പ്രതിഫലം നല്കുന്ന ജോലി ഇന്ത്യന് സമ്പദ്വ്യവസ്ഥയില് സൃഷ്ടിക്കപ്പെടുന്നില്ല. ഇത് തൊഴില്രഹിതരുടെ എണ്ണം വര്ധിപ്പിക്കുന്നു. പുരുഷന്മാരെക്കാള് കൂടുതല് വനിതകളാണ് വിദ്യാഭ്യാസമുണ്ടായിട്ടും തൊഴില്രഹിതരായി തുടരുന്നത്. തൊഴില്ലായ്മ രൂക്ഷമാവുന്നത് ഗ്രാമീണ മേഖലയേക്കാള് നഗരങ്ങളിലാണെന്നും റിപ്പോര്ട്ടില് പറയുന്നു.
more recommended stories
-
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച് വെബ് കാസ്റ്റിംഗ് കണ്ട്രോള് റൂം
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച്.
-
ഇ. പി ജയരാജന്-ജാവദേക്കര് കൂടികാഴ്ച: പ്രതികരിക്കാതെ യെച്ചൂരി, കേരളത്തിലെ നേതാക്കള് സംസാരിച്ചെന്ന് വിശദീകരണം
കേരളത്തിലെ പാര്ട്ടി നേതാക്കള് സംസാരിച്ചിട്ടുണ്ടെന്ന് യെച്ചുരി.
-
ഡല്ഹി കാപിറ്റല്സിനെതിരെ നിര്ണായക മത്സരത്തില് മുംബൈ ഇന്ത്യന്സിന് ടോസ്
ദില്ലി: ഐപിഎല്ലില് ഡല്ഹി കാപിറ്റല്സിനെതിരായ മത്സരത്തില്.
-
‘ആ ഉറപ്പ് പാലിച്ചു’; എസ്എംഎ രോഗികളായ 12 വയസ് വരെയുള്ള കുട്ടികള്ക്ക് സൗജന്യ മരുന്ന് വിതരണം, മാതൃകയായി കേരളം
തിരുവനന്തപുരം: അപൂര്വ രോഗമായ സ്പൈനല് മസ്കുലര് അട്രോഫി.