വിമാന ടിക്കറ്റ് ബുക്കിം?ഗ് പലപ്പോഴും ഒരു വെല്ലുവിളിയാണ്. കണ്ണടച്ചു തുറക്കുമ്പോഴേയ്ക്കും ടിക്കറ്റ് നിരക്കുകള് മാറിമറിയുന്നു എന്നത് തന്നെയാണ് ഇതിന് കാരണം. ഓണ്ലൈനില് കുറഞ്ഞ നിരക്കില് വിമാന ടിക്കറ്റുകള് നേടുക എന്നതിന് ഭാഗ്യം മാത്രം പോര, മറിച്ച് ചെറിയ ചില ടെക്നിക്കുകള് കൂടി അറിഞ്ഞിരിക്കണം. നിങ്ങള്ക്ക് ആവശ്യമുള്ള സൗകര്യങ്ങളില് വിട്ടുവീഴ്ച ചെയ്യാതെ തന്നെ നിങ്ങളുടെ വിമാന ടിക്കറ്റ് നിരക്കുകള് കുറയ്ക്കാനാകും.
മിക്ക ആഭ്യന്തര റൂട്ടുകളിലും യാത്രയ്ക്ക് ഏകദേശം 6-8 ആഴ്ച മുമ്പാണ് ടിക്കറ്റ് ബുക്കിം?ഗിന് ഏറ്റവും നല്ല സമയം. അതേസമയം, അന്താരാഷ്ട്ര ടിക്കറ്റ് നിരക്കുകള് സാധാരണയായി ഏകദേശം 2-4 മാസം മുമ്പാണ് കുറയുക. ഇനി ഓരോ ആഴ്ചയിലെയും ബുക്കിം?ഗിന് അനുയോജ്യമായ സമയമാണ് അറിയേണ്ടതെങ്കില് ചൊവ്വ, ബുധന് ദിവസങ്ങളില് നിരക്കുകള് കുറവായിരിക്കും. ചൊവ്വ, ബുധന്, ശനി ദിവസങ്ങളില് വിമാനയാത്ര നടത്തുന്നത് പലപ്പോഴും നിരക്കുകള് ഗണ്യമായി കുറയാറുണ്ട്. ഒഴിഞ്ഞ സീറ്റുകള് ഫില് ചെയ്യാനായി വിമാനക്കമ്പനികള് നിരക്കുകള് കുറയ്ക്കുന്ന ഓഫ്-പീക്ക് ദിവസങ്ങളായി ഇവ കണക്കാക്കപ്പെടുന്നതാണ് ഇതിന് കാരണം. ബുക്കിംഗ് സൈറ്റുകളില് ഒരു മാസത്തെ (30/31 ദിവസം) നിരക്കുകള് മുഴുവനായും താരതമ്യം ചെയ്യുന്നതിലൂടെ ടിക്കറ്റ് നിരക്കുകളിലുണ്ടാകുന്ന പെട്ടെന്നുള്ള ഇടിവുകള് കണ്ടെത്താന് സാധിക്കും.
ഫ്ലൈറ്റ് ടിക്കറ്റുകള് കുറഞ്ഞ നിരക്കില് ഓണ്ലൈനായി ലഭിക്കുന്നതിനുള്ള നുറുങ്ങുകള്
കുക്കീസ് ക്ലിയര് ചെയ്യുക
പലപ്പോഴും, നിങ്ങള് ഒരേ വിമാനം വീണ്ടും പരിശോധിക്കുമ്പോള് ടിക്കറ്റ് നിരക്ക് പെട്ടെന്ന് വര്ദ്ധിച്ചതായി കാണപ്പെട്ടേക്കാം. ഡിജിറ്റല് ട്രാക്കറുകളായ കുക്കീസ് നിങ്ങളുടെ മുന് സെര്ച്ച് ഇന്ഫര്മേഷന് സംഭരിക്കുന്നതിനാലാണ് ഇത് സംഭവിക്കുന്നത്. ഇത് ഒഴിവാക്കാന്, സ്വകാര്യ ബ്രൗസിംഗ് സെഷനുകള്, ഉദാഹരണത്തിന് ക്രോമിലെ ഇന്കൊ?ഗ്നിറ്റോ മോഡ് പോലെയുള്ളവ ഉപയോഗിക്കുക. അല്ലെങ്കില് ഓരോ സേര്ച്ചിന് ശേഷവും നിങ്ങളുടെ കുക്കീസ് ക്ലിയര് ചെയ്യുക.
അലേര്ട്ടുകള് സജ്ജമാക്കുക
എല്ലാ ദിവസവും രാവിലെ ടിക്കറ്റ് നിരക്കുകള് പരിശോധിക്കുന്നതിനു പകരം ?ഗൂ?ഗിള് ഫ്ലൈറ്റ്സ്, സ്കൈസ്കാനര് പോലെയുള്ള വെബ്സൈറ്റുകളില് അലേര്ട്ടുകള് സജ്ജമാക്കുക. നിരക്കുകള് കുറയുന്ന നിമിഷം നിങ്ങള്ക്ക് അറിയിപ്പുകള് ലഭിക്കും. ഫെസ്റ്റിവല് സീസണിലെ വിമാന യാത്രകള്, ശൈത്യകാല അവധിക്കാല യാത്രകള് അല്ലെങ്കില് നീണ്ട വാരാന്ത്യങ്ങള് തുടങ്ങിയ സമയങ്ങളില് നിരക്കുകള് മാറിമറിയാം. ഇത്തരം സാഹചര്യങ്ങളില് ഇത് ഉപയോഗപ്രദമാണ്.
ഒന്നിലധികം പ്ലാറ്റ്ഫോമുകള് താരതമ്യം ചെയ്യുക
നിങ്ങളുടെ യാത്രയ്ക്ക് ഏറ്റവും ചെലവ് കുറഞ്ഞ ഫ്ലൈറ്റ് കണ്ടെത്താന് വിവിധ യാത്രാ പ്ലാറ്റ്ഫോമുകള് പരിശോധിക്കുക. ആദ്യത്തെ ഓപ്ഷന് കണ്ടാല് അത് ഒരിക്കലും തെരഞ്ഞെടുക്കരുത്. നിരക്കുകള് താരതമ്യം ചെയ്യുക. ഏറ്റവും ചെലവ് കുറഞ്ഞ ടിക്കറ്റുകള് ബുക്ക് ചെയ്യുന്നതിന് സ്കൈസ്കാനര്, കയാക്ക് എന്നിവ പോലെയുള്ള സൈറ്റുകള് ഉപയോ?ഗിച്ച് നിരക്കുകള് താരതമ്യം ചെയ്യാം.
യാത്രകള് ഫ്ലെക്സിബിളാക്കുക
നിങ്ങളുടെ ഫ്ലൈറ്റിന്റെ സമയമോ തീയതിയോ മാറ്റുന്നത് വലിയ ലാഭം നേടാന് സഹായിച്ചേക്കാം. ഫ്ലൈറ്റുകള്ക്കായി തിരയുമ്പോള്, നിങ്ങള് ഇഷ്ടപ്പെടുന്ന തീയതിക്ക് ചുറ്റുമുള്ള കുറച്ച് ദിവസത്തേക്കുള്ള വിലകള് കൂടി താരതമ്യം ചെയ്യുക. കുറഞ്ഞ നിരക്കില് ഒരേ ഫ്ലൈറ്റ് നിങ്ങള്ക്ക് കണ്ടെത്താന് കഴിഞ്ഞേക്കും. ഇനി നിങ്ങള്ക്ക് പ്രത്യേക തീയതി മനസ്സില് ഉണ്ടെങ്കില്, വ്യത്യസ്ത സമയങ്ങളില് എത്തുന്ന വിമാനങ്ങള് പരിശോധിക്കുക. കാരണം അവയ്ക്ക് പലപ്പോഴും വ്യത്യസ്ത ടിക്കറ്റ് നിരക്കുകള് ഉണ്ടായിരിക്കും.
വിമാനത്താവളങ്ങള് താരതമ്യം ചെയ്യുക
വലിയ വിമാനത്താവളങ്ങള്ക്ക് ഉയര്ന്ന ഫീസ് ഉള്ളതിനാല് അടുത്തുള്ള ചെറിയ വിമാനത്താവളങ്ങള് പരി?ഗണിക്കുന്നത് കൂടുതല് ലാഭകരമാണോ എന്ന് പരിശോധിക്കുക.
ബാങ്കുകളെ പ്രയോജനപ്പെടുത്തുക
പ്രശസ്തമായ ബാങ്കുകളില് നിന്നുള്ള, പ്രത്യേകിച്ച് പ്രീമിയം ബാങ്കുകളില് നിന്നുള്ള ക്രെഡിറ്റ് കാര്ഡുകള് ഉപയോഗിക്കുമ്പോള് പല എയര്ലൈനുകളും ഓണ്ലൈന് ട്രാവല് ഏജന്സികളും കുറഞ്ഞ നിരക്ക് വാഗ്ദാനം ചെയ്യാറുണ്ട്. പ്രീമിയം ക്രെഡിറ്റ് കാര്ഡുകള് പലപ്പോഴും ഡിസ്കൗണ്ട് ഫ്ലൈറ്റ് റിസര്വേഷനുകള് പോലെയുള്ള ആനുകൂല്യങ്ങളോടെയാണ് വരുന്നത്. കൂടാതെ, ക്രെഡിറ്റ് കാര്ഡ് റിവാര്ഡ് പ്രോഗ്രാമുകള് നിങ്ങളുടെ പോയിന്റുകളെ എയര്ലൈന് ക്രെഡിറ്റുകളാക്കി മാറ്റാന് അനുവദിച്ചേക്കാം. നിങ്ങള് ഒരു എയര്ലൈനിന്റെ റിവാര്ഡ് പ്രോഗ്രാമിന്റെ ഭാഗമാണെങ്കില് നിങ്ങളുടെ പോയിന്റുകളും പതിവ് ഫ്ലയര് മൈലുകളും പ്രയോജനപ്പെടുത്തുക.
റെഡ്-ഐ ഫ്ലൈറ്റുകള് പരി?ഗണിക്കുക
ആഭ്യന്തര, അന്തര്ദേശീയ റൂട്ടുകളിലെ ഏറ്റവും നിരക്ക് കുറഞ്ഞ ഓപ്ഷനുകളാണ് അര്ദ്ധരാത്രി പുറപ്പെടുന്ന ഫ്ലൈറ്റുകളും (റെഡ്-ഐ ഫ്ലൈറ്റുകള്) അതിരാവിലെ പുറപ്പെടുന്ന ഫ്ലൈറ്റുകളും.
