Tuesday, February 25, 2025
Home Kasaragod ജില്ലാ എ ഡിവിഷന്‍ ക്രിക്കറ്റ് ലീഗ്: സവാദ് ബേക്കലിന് ഡബിള്‍ സെഞ്ച്വറി, ഹസ്സന് സെഞ്ച്വറി; ചരിത്രം പിറന്ന മത്സരത്തില്‍ നെല്ലിക്കുന്ന് സ്‌പോര്‍ട്ടിംഗിനെതിരെ മസ്ദാ ചൂരിക്ക് വമ്പന്‍ ജയം

ജില്ലാ എ ഡിവിഷന്‍ ക്രിക്കറ്റ് ലീഗ്: സവാദ് ബേക്കലിന് ഡബിള്‍ സെഞ്ച്വറി, ഹസ്സന് സെഞ്ച്വറി; ചരിത്രം പിറന്ന മത്സരത്തില്‍ നെല്ലിക്കുന്ന് സ്‌പോര്‍ട്ടിംഗിനെതിരെ മസ്ദാ ചൂരിക്ക് വമ്പന്‍ ജയം

by KCN CHANNEL
0 comment

കാസര്‍കോട് : മാന്യ കെസിഎ സ്റ്റേഡിയത്തില്‍ നടന്നു വരുന്ന ജില്ലാ ക്രിക്കറ്റ് അസോസിയേഷന്റെ എ ഡിവിഷന്‍ ക്രിക്കറ്റ് ലീഗില്‍ വ്യാഴാഴ്ച ചരിത്രം പിറന്ന മത്സരത്തില്‍ മസ്ദാ ചൂരിക്ക് വമ്പന്‍ ജയം. ജില്ലാ ക്രിക്കറ്റ് ലീഗ് ചരിത്രത്തിലെ ആദ്യ ഡബിള്‍ സെഞ്ച്വറി പിറന്ന മത്സരത്തില്‍ 180 റണ്‍സിന് നെല്ലിക്കുന്ന് സ്‌പോര്‍ട്ടിംഗിനെയാണ് മസ്ദ പരാജയപ്പെടുത്തിയത്. ആദ്യം ബാറ്റു ചെയ്ത മസ്ദ ഡബിള്‍ സെഞ്ച്വറി നേടിയ സവാദ് ബേക്കലിന്റെയും സെഞ്ച്വറി നേടിയ ഹസ്സന്റെയും ബാറ്റിംഗ് മികവില്‍ 43 ഓവറില്‍ 4 വിക്കറ്റ് നഷ്ടത്തില്‍ 393 റണ്‍സെടുത്തു. സവാദ് 204 (129), ഹസ്സന്‍ 129 (86) റണ്‍സുകള്‍ വീതം നേടി.
ജില്ലാ ക്രിക്കറ്റ് ലീഗിന്റെ ചരിത്രത്തിലാദ്യമായാണ് ഒരു താരം ഡബിള്‍ സെഞ്ച്വറി നേടുന്നത്. 127 പന്തില്‍ 7 സിക്‌സറുകളുടെയും 22 ഫോറുകളുടെയും അകമ്പടിയോടെയാണ് സവാദ് ഡബിള്‍ സെഞ്ച്വറി പൂര്‍ത്തിയാക്കിയത്. 8 സിക്‌സറുകളുടെയും 10 ഫോറുകളുടെയും അകമ്പടിയോടെയാണ് ഹസ്സന്‍ സെഞ്ച്വറി പൂര്‍ത്തിയാക്കിയത്. മൂന്നാം വിക്കറ്റില്‍ സവാദ് – ഹസ്സന്‍ സഖ്യം 210 റണ്‍സും നാലാം വിക്കറ്റില്‍ സവാദ് – അബ്ബാസ് സനിത്ത് സഖ്യം 149 റണ്‍സും കൂട്ടിച്ചേര്‍ത്തു. അബ്ബാസ് സനിത്ത് 32 (28) റണ്‍സ് നേടി. നെല്ലിക്കുന്നിന്റെ നൗഫല്‍ 2 വിക്കറ്റ് നേടി.
മറുപടി ബാറ്റിംഗിനിറങ്ങിയ നെല്ലിക്കുന്ന് 39.2 ഓവറില്‍ 213 റണ്‍സിന് എല്ലാവരും പുറത്തായി. നൗഫല്‍ 51, ഇന്‍ത്യാസ് 36, റിസ്വാന്‍ 35, മിധുന്‍ 24 റണ്‍സും മസ്ദയുടെ നസീര്‍ 4, മുസമ്മില്‍ അമ്പി 2 വിക്കറ്റും നേടി.

You may also like

Leave a Comment