രാവിലെ നോക്കിയപ്പോള് കുഞ്ഞിനെ അബോധാവസ്ഥയില് കണ്ടെത്തുകയായിരുന്നു
മുലപ്പാല് തൊണ്ടയില് കുടുങ്ങി ആറുമാസം പ്രായമുള്ള ആണ്കുഞ്ഞ് മരിച്ചു. മണ്ണാര്ക്കാട് കിഴക്കേതില് വെട്ടംപറമ്പില് കൃഷ്ണകുമാറിന്റെയും സുമിഷയുടെയും മകന് യുവാനാണ് മരിച്ചത്.
രാത്രി അമ്മ കുഞ്ഞിന് മുലപ്പാല് നല്കിയിരുന്നു. എന്നാല് രാവിലെ നോക്കിയപ്പോള് കുഞ്ഞിനെ അബോധാവസ്ഥയില് കണ്ടെത്തുകയായിരുന്നു. ഉടന് തന്നെ മണ്ണാര്ക്കാട്ടെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
മഞ്ചേരി ഗവ. മെഡിക്കല് കോളജ് ആശുപത്രിയില് പോസ്റ്റ്മോര്ട്ടം നടപടികള് പൂര്ത്തിയാക്കിയ ശേഷം മൃതദേഹം ഐവര്മഠത്തില് സംസ്കരിച്ചു. അശ്വിതയാണ് മരണപ്പെട്ട യുവാന്റെ സഹോദരി.
