?കാസര്ഗോഡ്: പൊതുവിദ്യാഭ്യാസ വകുപ്പ് ഹൈസ്കൂള് വിദ്യാര്ഥികള്ക്കായി നടപ്പിലാക്കുന്ന പ്രത്യേക പരിപോഷണ പരിപാടിയായ ‘ഗിഫ്റ്റഡ് ചില്ഡ്രന് പ്രോഗ്രാമി’ന്റെ (2026-27) കാസര്ഗോഡ് വിദ്യാഭ്യാസ ജില്ലാതല പ്രവര്ത്തനങ്ങള്ക്ക് തുടക്കമായി.
?വിദ്യാനഗര് ഗവ. ബ്ലൈന്ഡ് സ്കൂള് ഹാളില് നടന്ന ചടങ്ങില് കാസര്ഗോഡ് വിദ്യാഭ്യാസ ഡെപ്യൂട്ടി ഡയറക്ടര് ശ്രീ. റഫീഖ് പി.വി. പദ്ധതി ഉദ്ഘാടനം ചെയ്തു. ജില്ലാ വിദ്യാഭ്യാസ ഓഫീസര് ശ്രീമതി സവിത പി. അധ്യക്ഷത വഹിച്ചു. റിട്ട. വിദ്യാഭ്യാസ ഡയറക്ടര് ശ്രീ. നന്ദികേശന് എന്, ജില്ലാ റിസോഴ്സ് ഗ്രൂപ്പ് അംഗങ്ങളായ യതീഷ് കുമാര് റായ്, ശ്രീ. പ്രകാശന് ടി, ശ്രീമതി ദിവ്യഗംഗ, ശ്രീമതി പ്രീതി പി, സ്കൂള് ഹെഡ്മിസ്ട്രസ് ശ്രീമതി ഓമന സി. എന്നിവര് ആശംസകള് നേര്ന്നു. വിദ്യാഭ്യാസ
?ജില്ലാ പദ്ധതി കോര്ഡിനേറ്റര് മിനിഷ് ബാബു പദ്ധതി വിശദീകരണവും റിസോഴ്സ് കമ്മിറ്റി കണ്വീനര് ശ്രീ. ഗിരീഷ് ബാബു സ്വാഗതവും ഡി.ഇ.ഒ. സ്റ്റാഫ് രജിത എം. നന്ദിയും പറഞ്ഞു.
?തുടര്ന്ന് നടന്ന ചടങ്ങില് ‘ഗിഫ്റ്റഡ് ലൈഫ്, ഗിഫ്റ്റഡ് ഫ്യൂച്ചര്’ എന്ന വിഷയത്തില് മഞ്ചേശ്വരം ഗോവിന്ദ പൈ ഗവ. കോളേജ് അസിസ്റ്റന്റ് പ്രൊഫസര് സജിത്ത് കുമാര് പി. വിദ്യാര്ഥികള്ക്കായി ക്ലാസെടുത്തു. തെരഞ്ഞെടുക്കപ്പെട്ട പ്രതിഭകളായ കുട്ടികളും അവരുടെ രക്ഷിതാക്കളും അധ്യാപകരും ഉള്പ്പെടെ 150-ഓളം പേര് പരിപാടിയില് പങ്കെടുത്തു.
ഏഴാം ക്ലാസിലെ സി.എം. കിഡ്സ് (യു.എസ്.എസ്) സ്കോളര്ഷിപ്പ് പരീക്ഷയില് ഓരോ വിദ്യാഭ്യാസ ജില്ലയിലും മികച്ച വിജയം നേടുന്ന 40 വിദ്യാര്ഥികളെയാണ് പദ്ധതിയിലേക്ക് തെരഞ്ഞെടുക്കുന്നത്. ഇവര്ക്ക് 8, 9, 10 ക്ലാസുകളില് (3 വര്ഷക്കാലം) പ്രത്യേക പഠനാനുഭവങ്ങള് ലഭ്യമാക്കുന്നു.
?വിദഗ്ധരുടെ ക്ലാസുകള്, സര്ഗശാലകള്,പഠനയാത്രകള് , പ്രമുഖ സ്ഥാപന സന്ദര്ശനങ്ങള്,സെമിനാറുകള്, അഭിമുഖങ്ങള്,പ്രോജക്ടുകള്
?സഹവാസ ക്യാമ്പുകള്
?തുടങ്ങിയവ പൊതുവിദ്യാഭ്യാസ വകുപ്പിന്റെ നേതൃത്വത്തില് ഈ കുട്ടികള്ക്കായി സംഘടിപ്പിക്കുന്നു.
