ഐ ആം ഗെയിം നേടിയത്.
ദുല്ഖറിനെ നായകനാക്കി നഹാസ് ഹിദായത്ത് സംവിധാനം ചെയ്ത ബിഗ് ബഡ്ജറ്റ് ഫാന്റസി ത്രില്ലര് ഐ ആം ഗെയിമിന് ത്രസിപ്പിക്കുന്ന പ്രേക്ഷക പ്രതികരണം. സെപ്റ്റംബര് മൂന്നിന് ആഗോള റിലീസായി എത്തിയ ചിത്രത്തിന് ആദ്യ ഷോ കഴിഞ്ഞപ്പോള് മുതല് കേരളത്തിന് അകത്തു നിന്നും പുറത്തു നിന്നും ഗംഭീര അഭിപ്രായമാണ് ലഭിക്കുന്നത്. നിരൂപകരും പ്രശംസിക്കുന്ന ചിത്രം മലയാള സിനിമയുടെ പുതിയ ഗെയിം ചേഞ്ചര് ആയി മാറുമെന്നാണ് ആദ്യ പ്രതികരണങ്ങള് സൂചിപ്പിക്കുന്നത്. ദുല്ഖറിന്റെ വേഫെറര് ഫിലിംസിന്റെ ബാനറില് ദുല്ഖര് സല്മാനും ജോം വര്ഗീസും ചേര്ന്നാണ് ചിത്രം നിര്മ്മിച്ചത്. സജീര് ബാബ, ഇസ്മായില് അബൂബക്കര്, ബിലാല് മൊയ്ദു എന്നിവര് ചേര്ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. സജീര് ബാബ, ആദര്ശ് സുകുമാരന്, ഷബാസ് റഷീദ് എന്നിവര് ചേര്ന്നാണ് സംഭാഷണങ്ങള് രചിച്ചിരിക്കുന്നത്. ഇനി ഒമ്പത് കോടി കൂടിയുണ്ടെങ്കില് ആഗോളതലത്തില് 50 കോടി എന്ന മാന്ത്രിക സംഖ്യയിലെത്തും. ഐ ആം ഗെയിം 41 കോടിയാണ് ആഗോളതലത്തില് ഇതുവരെ നേടിയതെന്ന് സാക്നില്ക്ക് റിപ്പോര്ട്ട് ചെയ്യുന്നു.
തന്റെ കരിയറിലെ തന്നെ ഏറ്റവും മികച്ച പ്രകടനങ്ങളിലൊന്ന് സമ്മാനിച്ച ദുല്ഖര് ആണ് ഈ ചിത്രത്തിന്റെ നട്ടെല്ല്. ആക്ഷന്, പ്രണയം, വൈകാരിക രംഗങ്ങള് എന്നിവയിലെല്ലാം കയ്യടി നേടുന്ന ദുല്ഖര് സല്മാന്, കരിയറിലെ ഏറ്റവും സ്റ്റൈലിഷ് ആയ കഥാപാത്രത്തെയാണ് ഈ ചിത്രത്തില് അവതരിപ്പിച്ചത്. ഡാന് എന്ന് പേരുള്ള കഥാപാത്രമായി ദുല്ഖര് സല്മാന് ആദ്യാവസാനം ചിത്രത്തില് കയ്യടി നേടുന്നുണ്ട്. മാസ് രംഗങ്ങളിലെല്ലാം ദുല്ഖര് സല്മാന് കാഴ്ചവച്ച പെര്ഫോര്മന്സ് ആരാധകരെ ആവേശം കൊള്ളിക്കുന്നുണ്ട്. ഒരല്പം പാളിയാല് പോലും കൈവിട്ട് പോകാവുന്ന കഥാപാത്രത്തെ അതീവ കയ്യടക്കത്തോടെയാണ് ദുല്ഖര് സല്മാന് അവതരിപ്പിച്ചിരിക്കുന്നത്.
ഫാന്റസി, ആക്ഷന്, ത്രില്ലര് ഘടകങ്ങള് കോര്ത്തിണക്കി ഒരുക്കിയ ചിത്രം എല്ലാത്തരം പ്രേക്ഷകരെയും ഒരുപോലെ ആകര്ഷിക്കുന്ന വമ്പന് തീയേറ്റര് അനുഭവമാണ് സമ്മാനിക്കുന്നത്. ആദ്യാവസാനം പ്രേക്ഷകരെ ആകാംഷയുടെ മുള്മുനയില് നിര്ത്തി, ആവേശം സമ്മാനിക്കുന്ന ചിത്രം ആരാധകര്ക്ക് കയ്യടിക്കാനും ആഘോഷിക്കാനുമുള്ള ഒട്ടേറെ നിമിഷങ്ങള് കൊണ്ടും സമ്പന്നമാണ്. ഞെട്ടിക്കുന്ന ഇന്റര്വെല് പോയന്റും തകര്പ്പന് ക്ലൈമാക്സുമാണ് ചിത്രത്തിന്റെ മറ്റു ഹൈലൈറ്റുകള്.
ജേക്സ് ബിജോയ് ഒരുക്കിയ ഗാനങ്ങളും ത്രസിപ്പിക്കുന്ന പശ്ചാത്തല സംഗീതവും ചിത്രത്തെ മറ്റൊരു തലത്തില് എത്തിക്കുന്നുണ്ട്. ജിംഷി ഖാലിദ് ഒരുക്കിയ ദൃശ്യങ്ങള്, അന്പറിവ് മാസ്റ്റേഴ്സ് ഒരുക്കിയ സംഘട്ടനവും ചിത്രത്തെ ആവേശകരമാക്കിയിട്ടുണ്ട്. ഇവര്ക്ക് പുറമെ ചിത്രത്തിലെ മറ്റു നിര്ണ്ണായക വേഷങ്ങള് ചെയ്ത ആന്റണി വര്ഗീസ്, മിഷ്കിന്, കതിര്, കായദു ലോഹര്, പാര്ത്ഥ് തിവാരി, സംയുക്ത വിശ്വനാഥന്, വിനയ് ഫോര്ട്ട് തുടങ്ങിയവരും മികച്ച പ്രകടനമാണ് നല്കിയത്. നഹാസ് ഹിദായത്തിന്റ ഗംഭീര മേക്കിങ് ആണ് ചിത്രത്തെ ഒരു വമ്പന് തീയേറ്റര് വിസ്മയമാക്കി മാറ്റുന്നത്.
ബുക്ക് മൈ ഷോ ട്രെന്ഡിലും വമ്പന് കുതിപ്പ് നടത്തുന്ന ചിത്രം ദുല്ഖര് സല്മാന്റെ കരിയര് ബെസ്റ്റ് കേരളാ, ആഗോള ഓപ്പണിങ് ലക്ഷ്യമാക്കിയാണ് കുതിക്കുന്നത് . ചിത്രത്തിന്റെ മ്യൂസിക് റൈറ്റ്സ് 12.5 കോടി രൂപയ്ക്ക് സീ മ്യൂസിക് സ്വന്തമാക്കിയിരുന്നു. ദുല്ഖറിന്റെ 40-ാമത്തെ ചിത്രമായ ‘ഐ ആം ഗെയിം’ മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലായി പാന് ഇന്ത്യന് റിലീസായാണ് എത്തിയിരിക്കുന്നത്.
ലൈന് പ്രൊഡ്യൂസര് – ബിബിന് പെരുമ്പിള്ളി, ഛായാഗ്രഹണം- ജിംഷി ഖാലിദ്, സംഗീതം- ജേക്സ് ബിജോയ്, എഡിറ്റിംഗ്- ചമന് ചാക്കോ, ആക്ഷന് – അന്പറിവ് മാസ്റ്റേഴ്സ്, പ്രൊഡക്ഷന് ഹെഡ് – സുജയ് ജെയിംസ്, ദേവദേവന്, പ്രൊഡക്ഷന് ഡിസൈനര്- അജയന് ചാലിശ്ശേരി, മേക്കപ്പ് – റോണക്സ് സേവ്യര്. കോസ്റ്റ്യൂം- മഷര് ഹംസ, പ്രൊഡക്ഷന് കണ്ട്രോളര്- ദീപക് പരമേശ്വരന്, അസോസിയേറ്റ് ഡയറക്ടര്- രോഹിത് ചന്ദ്രശേഖര്. ഗാനരചന- മനു മഞ്ജിത്ത്, വിനായക് ശശികുമാര്, VFX – തൗഫീഖ് – എഗ്വൈറ്റ്, പോസ്റ്റര് ഡിസൈന്- ടെന് പോയിന്റ്, സൗണ്ട് ഡിസൈന്- സിങ്ക് സിനിമ, സൗണ്ട് മിക്സ് – കണ്ണന് ഗണപത്, സ്റ്റില്സ്- എസ് ബി കെ, മാര്ക്കറ്റിംഗ് ഹെഡ് – വിജിത് വിശ്വനാഥന്.
